मुंबई: शिवसेनेचे खासदार संजय राऊत (Sanjay Raut) उद्या मुंबईत शिवसेना भवनामध्ये पुन्हा एकदा पत्रकार परिषद घेणार आहेत. स्वतः राऊत यांनी ट्विट करुन याची माहिती दिली आहे. यावेळी देखील ते भाजपच्या नेत्यांवर शरसंधान साधणार असल्याचे सांगितले जात आहे. गेल्या वेळेस त्यांनी या ठिकाणी याच वेळेला पत्रकार परिषद घेत भाजपबरोबरच (BJP) केंद्रीय यंत्रणांवर गंभीर आरोप करण्यात आले होते. (Press conference again tomorrow at Shiv Sena Bhavan)

हे देखील पहा-

संजय राऊत यांनी ट्विट (Tweet) करत सांगितले आहे की, "उद्या संध्याकाळी ४ वाजता आम्ही शिवसेना (Shiv Sena) भवनात पत्रकार परिषद घेत आहोत.या पत्रकार परिषदेकडे लक्ष राहू द्या, जय महाराष्ट (Maharashtra)." या अगोदर १४ फेब्रुवारी रोजी संजय राऊत यांनी शिवसेना भवनामध्ये संध्याकाळी ४ वाजता पत्रकार परिषद (Press conference) घेतली होती.

यावेळी भाजपवर (BJP) निशाणा साधताना पुढील काही दिवसात भाजपचे साडेतीन लोक अनिल देशमुख (Anil Deshmukh) यांच्या कोठडीमध्ये असणार आहेत आणि देशमुख बाहेर राहतील, असे म्हटले होते. भाजपमध्ये किती दम आहे, ते पाहू असे थेट आव्हान देखील त्यांनी यावेळी दिले होते. दरम्यान, केंद्रीय तपास यंत्रणाचा भाजपकडून गैरवापर होत असल्याचे सांगत असताना या यंत्रणांवर जाणून बुझून ठाकरे (Thackeray) कुटुंबियांना बदनाम करण्याचा कट रचला जात असल्याचे गंभीर आरोप करण्यात आले होते.

याचबरोबर विनाकारण या यंत्रणांकडून सत्ताधारी लोकांच्या नातलगांना त्रास दिला जात असल्याचा आरोप देखील त्यांनी यावेळी केला होता. यावेळी राज्यात शिवसेनेचे नेते आणि मंत्र्यांसह राऊत यांनी मोठ शक्ती प्रदर्शनही केले होते.

Edited By- Digambar Jadhav