मुंबई - माजी पोलीस आयुक्त परमवीर सिंग यांच्या अडचणीत आणखी वाढ होण्याची शक्यता आहे. कारण परमवीर सिंग यांचं निलंबन होण्याची शक्यता वर्तवण्यात येत आहे. राज्य सरकारने देबाशिष चर्कवर्ती समितीचा अहवाल स्वीकारला आहे. परमवीर सिंग यांच्या निलंबनाबाबत चाचपणी करण्यासाठी समिती बनवली होती. या आठवड्याभरात परमवीर सिंग यांच्या निलंबनाची प्रक्रिया सुरु होण्याची शक्यता वर्तवण्यात येत आहे. समितीनं त्यांच्या निलंबनाबाबत‌ कारणं सुचवल्याची‌ माहिती समोर आली आहे.

हे देखील पहा -

दरम्यान,मुंबईचे माजी पोलीस आयुक्त परमबीर सिंह चांदीवाल आयोगासमोर हजर झालेत. चांदीवाल आयोगासमोर जाताना परमबीर आणि सचिन वाझे एकमेकांसमोर आले. त्यावेळी दोघांमध्ये संवाद झाला. पण यावेळी दोघांमध्ये काय बोलणं झालं ते कळू शकलेलं नाही.

परामबीर सिंग आणि सचिन वाझे यांच्यात जी बैठक झाली. त्याबैठकीची मुंबई पोलीस चौकशी करण्यात येणार आहे. अनिल देशमुख यांच्या वकिलांनी वाझे आणि सिंग यांच्या भेट आणि चर्चेवर आक्षेप घेतला होता. त्यावर चांदीवाल आयोगाने ही भेट कोर्टाबाहेर झाली आहे त्यामुळे आपण त्यावर काही करू शकत नाही असे म्हंटले आहे. पण मुंबई पोलिसांनी स्वतःहून पुढकार घेत ही चौकशी करण्याचा निर्णय घेतला आहे.

Edited By - Shivani Tichkule