मुंबई : मुख्यमंत्री उद्धव ठाकरे यांच्यावर भाजपने कितीही टीका केली तरी जनतेच्या मनात कोरोना काळात मुख्यमंत्र्यांनी केलेल्या कामाला लोकांनी पावती दिल्याचे साम-सकाळच्या 'मूड महाराष्ट्राचा' या सर्वेक्षणातून दिसते आहेत

महाविकास आघाडीचे सरकार आले आणि शिवसेना पक्ष प्रमुख उद्धव ठाकरे यांच्या हाती राज्याच्या मुख्यमंत्री पदाची सूत्रे आली. तेव्हापासून भाजपने मुख्यमंत्र्यांना लक्ष्य बनवले. विशेषतः धार्मिक स्थळे सुरु करण्याच्या मुद्द्यावरुन भाजप अधिक आक्रमक होता. मुख्यमंत्री मातोश्रीच्या बाहेर पडत नाहीत, हा देखिल मुद्दा भाजपने उचलून धरला होता. दुसऱ्या बाजूला काँग्रेसचे नेते मुख्यमंत्र्यांवर नाराज असल्याच्याही बातम्या अधून मधून येत होत्या. त्या पार्श्वभूमीवर सर्वसामान्य जनतेचे मत मात्र वेगळे असल्याचे दिसते.

मुख्यमंत्री म्हणून उद्धव ठाकरे यांनी कोरोनाकाळात घेतलेल्या निर्णयांबद्दल समाधान होतेच; त्यामुळे मुख्यमंत्र्यांच्या एकूण कामाबद्दल सकारात्मकता तब्बल ६८.३ टक्के आहे. मुख्यमंत्र्यांची खुर्ची बळकट करणारा हा कल आहे. कारण, त्यांच्या कामाबद्दल निराशा असणाऱ्यांचा कौल १३.८ टक्के लोकांचाच आहे.