Pune News : राष्ट्रवादीमध्ये फूट पडल्यानंतर पक्षातील अनेक नेते शरद पवारांची साथ देत अजित पवार यांच्यासोबत गेले. यामध्ये शरद पवारांची निकटवर्तीय मानले जाणारे दिलीप वळसे पाटील यांचाही समावेश आहे. पक्षफुटीनंतर पहिल्यांदाच सहकार मंत्री दिलीप वळसे पाटील आणि शरद पवार एका चर्चासत्र कार्यक्रमात एकत्र येत आहेत.

पुण्यातील कार्यक्रमात शरद पवारांसमोर अजित पवारांनी येणं टाळल्याचं पाहायला मिळाले होते. त्यामुळे आता दिलीप वळसे पाटील काय भुमिका घेणार हेही पाहावं लागणार आहे. (Latest marathi News)

राष्ट्रीय सहकारी साखर महासंघातर्फे आयोजित तांत्रिक चर्चासत्र कार्यक्रमाचे आयोजन वसंतदादा शुगर इन्स्टिट्यूट मांजरी येथे उद्या कार्यक्रम होत आहे. या कार्यक्रमावेळी शरद पवार, जयंत पाटील आणि दिलीप वळसे पाटील एकत्र येणार आहेत. ऊस स्वच्छतेच्या यांत्रिक प्रणालीचे तंत्रज्ञान व बायो सीएनजी या नव्या तंत्रज्ञानाचे सादरीकरण यावेळी होणार आहे. (Political News)

नुकतेच केंद्रीय सहकारमंत्री अमित शहा पुणे दौऱ्यावर असताना दिलीप वळसे पाटील आणि अमित शाह यांच्या सहकार क्षेत्रातील काम विषयी चर्चाही झाली होती.

त्यातच राज्यात सहकार क्षेत्राला बळकटी आणण्याची जबाबदारी अमित शहा यांनी वळसे पाटलांवर सोपवली आहे. अशातच आता शरद पवार आणि वळसेपाटील एकाच व्यासपीठावर चर्चासत्रात सहभागी होणार असल्याने राजकीय वर्तृळात चर्चा रंगली आहे.