पुणे: येरवडा कारागृहात पोलीस (Police) शिपायाने आज पहाटे स्वत: वरच गोळी झाडून घेऊन आत्महत्येचा प्रयत्न केला आहे. अमोल माने असे या पोलीस (Police) शिपायाचे नाव आहे. अमोल माने यांच्यावर ससून रुग्णालयात (hospital) उपचार करण्यात येत आहेत. मिळालेल्या माहितीनुसार, कौटुंबिक कारणावरुन त्यांनी हे कृत्य केल्याचे सांगण्यात येत आहे. (Police constable attempts self slaughter at Yerawada jail)

हे देखील पहा-

याप्रकरणाविषयी पोलिसांनी (Police) दिलेल्या माहितीनुसार, अमोल माने हे येरवडा कारागृहात (Yerawada jail) पोलीस शिपाई म्हणून कार्यरत आहेत. त्यांना काल गार्ड ड्युटी होती. पहाटे ४:१५ वाजेच्या सुमारास त्यांनी त्यांच्याकड असलेली सरकारी रायफल (Rifle) मधून स्वत:वर गोळी झाडून घेतली आहे. हा प्रकार समजताच त्यांच्या सहकार्‍यांनी त्यांना तातडीने ससून रुग्णालयात दाखल केले आहे. त्याठिकाणी त्यांच्यावर उपचार करण्यात येत आहेत.

या घटनेची माहिती समजल्यावर कारागृहातील वरिष्ठ अधिकारी, पोलीस अधिकारी यांनी घटनास्थळी तसेच ससून रुग्णालयात जाऊन माहिती घेतली आहे. अमोल माने यांनी स्वत: कडील SLR रायफलमधून डाव्या डोळ्याच्या वर कपाळाच्या मध्यभागी गोळी झाडून घेतली आहे. त्यांच्यावर ससून रुग्णालयात अतिदक्षता विभागात उपचार करण्यात येत आहे. अमोल माने हे मुळचे अहमदनगर मधील राहणारे आहेत. ते २०१५ मध्ये कारागृह पोलीस म्हणून भरती झाले आहेत. सध्या ते येरवडा कारागृह वसाहतीत राहत आहेत.

Edited By- Digambar Jadhav