अभिजीत देशमुख

Kalyan News : मनसे अध्यक्ष राज ठाकरे यांच्या ५५ व्या वाढदिवसानिमित्त उल्हासनगरमध्ये ५५ रुपये लिटर दराने पेट्रोल वाटप करण्यात येत आहे. मनसे विद्यार्थी सेनेने आयोजित केलेल्या या उपक्रमाला नागरिकांनी मोठा प्रतिसाद दिला असून पेट्रोल भरण्यासाठी नागरिकांनी मोठी गर्दी केली आहे.

मनसे अध्यक्ष राज ठाकरे यांचा आज ५५ वा वाढदिवस असून त्यानिमित्ताने उल्हासनगरमधील मनसे विद्यार्थी सेनेचे जिल्हा संघटक मनोज शेलार यांनी नागरिकांना अवघ्या ५५ रुपये लिटर दराने पेट्रोल वाटप करण्याचा उपक्रम राबवला आहे. उल्हासनगरच्या कॅम्प ५ मधील हिललाईन परिसरातील पेट्रोल पंपावर हे पेट्रोल वाटप सुरू आहे. (Latest Marathi News)

यासाठी नागरिकांना कूपन वाटप करण्यात येत असून प्रत्येक नागरिकाला १ लिटर याप्रमाणे ५५ रुपये लिटर दराने पेट्रोल वाटप करण्यात येत आहे. या उपक्रमाला नागरिकांनी मोठा प्रतिसाद दिला असून पेट्रोल भरण्यासाठी पेट्रोल पंपाच्या बाहेरपर्यंत वाहन चालकांच्या रांगा लागल्या आहेत. (Maharashtra Political News)

राज ठाकरे यांचा वाढदिवस आमच्यासाठी एखाद्या सणासारखा आहे. त्यामुळेच हा सण साजरा करण्यासाठी आणि वाढत्या महागाईवर उपाय म्हणून आम्ही ५५ रुपयात पेट्रोल वाटप करत असल्याचं मनोज शेलार यांनी यावेळी सांगितलं आहे.