Palghar Accident News :

पालघरमध्ये एक भीषण अपघाताची घटना समोर आली आहे. चारचाकी वाहन आणि बाईकमध्ये जोरदार धडक झाली आहे. सुदैवाने या अपघातात कोणतीही जीवितहानी झालेली नाही. तीन जखमी झाले असून सर्वांवर उपचार सुरु आहे. अपघाताची ही घटना कॅमेऱ्यात कैद झाली आहे.

पालघरच्या बोईसर चिल्हार एमआयडीसी मार्गावर गुंदलेजवळ हा अपघात झाला आहे. भरधाव चारचाकी वाहनाने बाईकला धडक दिली. अपघाताची घटना चारचाकी वाहनाच्या डेस्क बोर्डवर लावलेल्या कॅमेरात कैद झाली.  (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

व्हिडीओमध्ये दिसतंय त्यानुसार, चारचाकी वाहन वेगाने धावत असताना अचानक समोर बाईक आडवी येते. वाहन चालकाने वेग कमी करुन वाहन नियंत्रणात आणण्याचा प्रयत्न केला. तरीही बाईकला जोरदार धडक बसली. (Latest Marathi News)

धडक इतकी जोरदार होती की बाईकवरील दोघे जण बाजूला फेकले गेले आणि बाईक बरीच दूर घसरत गेली. धडकेनंतर मोठा आवाज झाला. या आवाजानंतर आजूबाजून लोक मदतीसाठी धावले.

अपघातात बाईकचं मोठं नुकसान झालं आहे. तर बाईक वरील दोन जन गंभीर जखमी तर एक जण किरकोळ जखमी झाला आहे.