मुंबई : कोरोनाच्या नवीन व्हेरिएंट ओमायक्रॉन मुंबईमध्ये (Omicron Variant) आता चांगलच हातपाय पसरत आहे. मुंबई ही सर्वात गजबजलेली झोपडपट्टी असलेल्या धारावीत (Dharavi) अखेर ओमायक्रॉनने (Omicron) चा शिरकाव झाला आहे. परदेशामधून आलेल्या एका मौलवीचा रिपोर्ट हा ओमायक्रॉन पॉझिटिव्ह आला आहे. (omicron variant tested patient found in mumbai dharavi)

पहा व्हिडिओ-

डोंबिवली मधील आढळलेला ओमायक्रॉनचा पहिला रुग्ण निगेटिव्ह आढळल्याने सर्वांना दिलासा मिळाला होता. पण आता परदेशातून मुंबईतील धारावीमध्ये आलेल्या एका नागरिकाचा कोविड रिपॉर्ट पॉझिटिव्ह आला आहे. त्यानंतर या रुग्णाचा स्वॅब जिनोम सिक्वेन्सिंगकरिता पाठवण्यात आले होते. त्याचा अहवाल आता समोर आला असून ओमायक्रॉनची लागण झाल्याचे यामध्ये निष्पन्न झाले आहे.

पूर्व अफ्रिकेमधील टांझानिया येथून आलेली व्यक्ती ही मौलवी आहे. मुंबई आल्यानंतर ते धारावी येथील एका मशिदीमध्ये वास्तव्यास होते. सुरुवातील या व्यक्तीचा कोरोना रिपोर्ट पॉझिटिव्ह आला होता. त्यानंतर या रुग्णाला उपचाराकरिता मुंबईमधील सेव्हन हिल्स हॉस्पिटलमध्ये दाखल करण्यात आले आहे. त्याचा स्वॅब जिनोम सिक्वेन्सिंगसाठी पाठवण्यात आला होता.

तो अहवाल आता पॉझिटिव्ह आला आहे. यामुळे ज्या गोष्टीची भिती होती तेच झाले आहे. धारावीमध्ये ओमायक्रॉनने शिरकाव केला आहे. या मौलवीच्या संपर्कामध्ये आलेल्या व्यक्तींचा शोध घेतला जात आहे. या मौलावीला तातडीने क्वारंटाइन करण्यात आले आहे.

Edited By- Digambar Jadhav