OLA-UBER Driver Died Saam Tv
मुंबई/पुणे

OLA-UBER: कॅब चालकाची विष पिऊन आत्महत्या, ओला-उबर चालक आक्रमक; आंदोलन चिघळणार?

OLA-UBER Driver Died: नालासोपाऱ्यामध्ये ओला चालकाने आत्महत्या केली. राहत्या घरी त्याने विष प्राशन करून आयुष्य संपवले. सरकारने मागण्या मान्य न केल्यामुळे या चालकाने टोकाचे पाऊल उचलले. यामुळे खळबळ उडाली.

Priya More

वसई-विरार शहरात मागील काही दिवसांपासून ओला आणि उबर चालकांचे भाडेवाढीसाठी सुरू असलेले आंदोलनाला आता भीषण वळणावर पोहोचले आहे. कारण नालासोपाऱ्यात ओला-उबर चालकाने आत्महत्या केली. राहत्या घरी विष प्राशन करून या चालकाने आयुष्य संपवलं. शासनाकडून कोणतेही सकारात्मक आश्वासन न मिळाल्याने आर्थिक संकटात सापडलेल्या या ओला चालकाने आत्महत्या केल्याचे सांगितले जात आहे.

सनोज सक्सेना (वय ४५ वर्षे) असं आत्महत्या केलेल्या ओला चालकाचे नाव असून तो नालासोपाऱ्यातील बिलाल पाडा भागात कुटुंबीयांसोबत राहत होता. त्याने आपल्या राहत्या घरी विष प्राशन करून आत्महत्या केली. स्थानिक नागरिकांनी या चालकाला तातडीने रुग्णालयात दाखल केले मात्र उपचारापूर्वीच डॉक्टरांनी त्याला मृत्यू घोषित केले. या घटनेमुळे चालकांच्या संघटनांमध्ये संतापाची लाट पसरली आहे. सरकारने तत्काळ याची दखल घ्यावी, अन्यथा आंदोलन अधिक तीव्र करण्याचा इशारा संघटनांनी दिला आहे.

महाराष्ट्रात सुरू असलेल्या कॅब चालकांच्या आंदोलनाने आता गंभीर वळण घेतले आहे. नालासोपारामध्ये ओला चालक सनोज सक्सेनाने आत्महत्या केल्यामुळे कॅब-रिक्षा चालक आक्रमक झाले आहे. त्यांचे आंदोलन आणखी मोठं होण्याची शक्यता आहे. सरकारी दरानुसार भाडे मिळावे, तसेच ओला, उबेर आणि रॅपिडो बाईक सेवांचा विरोध करण्यात येत आहे. या पार्श्वभूमीवर आता राज्यातील रिक्षा संघटनाही संपात सहभागी झाली असून आजपासून राज्यव्यापी संपाची हाक देण्यात आली आहे.

चालकांचा आरोप आहे की, खासगी अ‍ॅप-आधारित कंपन्यांमुळे त्यांच्या उत्पन्नावर गदा आली असून शासनाने या सेवांवर नियंत्रण आणावे. ओला चालक सनोज सक्सेना यांची आत्महत्या ही आंदोलनाचा उद्रेक मानली जात आहे. कॅब आणि रिक्षा चालकांमध्ये संतापाचे वातावरण आहे. सरकारने तातडीने तोडगा काढावा अन्यथा यानंतर आंदोलन आणखी चिघळेल आणि त्यास जबाबदार सरकार असेल, असा इशारा आंदोलक संघटनांकडून देण्यात आला आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Bhiwandi Accident: देवदर्शनावरून घरी परतताना काळाचा घाला; मुंबई-नाशिक महामार्गावर दुचाकीचा अपघात, बापलेकीचा मृत्यू

Leopard Attack: मैत्रीला जागला...! बिबट्याचा कुत्र्यावर हल्ला, श्वानाच्या निडर मैत्रीसमोर बिबट्याची माघार Video Viral

IPS Anjana Krishna: आधी वाद नंतर अजितदादांची स्पष्टीकरणाची पोस्ट; उपमुख्यमंत्र्यांनाच पॉवर दाखवणारी अंजली कृष्णा नेमक्या कोण?

Vanraj Andekar Case: तोच महिना अन् आंदेकर टोळीने नाना पेठेतच आयुषचा गेम केला, पुण्यात रक्तरंजित थरार

HIV: एचआयव्हीच्या रुग्णांनी कोणत्या गोष्टी केल्या पाहिजेत?

SCROLL FOR NEXT