बारामती - ओबीसी आरक्षण (OBC Reservation) कृती समितीच्या वतीनं प्रशासकीय भवनासमोर एल्गार मोर्चाचे (Elgar Mahamorcha) आयोजन करण्यात आले होते. कोरोनाच्या वाढत्या प्रादुर्भावामुळे पोलिसांनी या मोर्चाला परवानगी नाकारली, त्यामुळे मोर्चा न होता फक्त सभा घेऊन प्रांताधिकारी दादासाहेब कांबळे यांना निवेदन देण्यात आले. या सभेला भाजपचे (BJP) माजी उर्जा मंत्री चंद्रशेखर बावनकुळे, रासपचे माजी मंत्री महादेव जानकर, माजी आमदार योगेश टिळेकर, प्रकाश शेंडगे यांच्यासह ओबीसी समाजाचे अनेक नेते उपस्थित होते. (OBC Elgar Mahamorcha in Baramati, statement of demands given to the provincial authorities)

हे देखील पहा -

यावेळी ओबीसी एल्गार एकजूटीचा विजय असो अशा घोषणाही देण्यात आल्या. सर्वोच्च न्यायालयाने ओबीसी समाजाचे स्थानिक स्वराज्य संस्थांमधील आरक्षण सर्वोच्च न्यायालयाने (supreme court) रद्द केल्यामुळे ओबीसी एल्गार बारामतीमध्ये (baramati) पुकारला होता. यावेळी बारामतीत पोलिसांचा मोठा बंदोबस्त तैनात होता.

Edited By - Akshay Baisane