नेरळ : कर्जत तालुक्यात गेल्या दोन-तीन दिवसांपासून मुसळधार पावसाचा (heavy rainfall) जोर वाढल्याने उल्हास नदीला पूर आला आहे. पावसाची संततधार सुरुच असल्याने उल्हास नदी दुथडी भरून वाहत आहे. पावसाळा सुरु झाला की, उल्हास नदीकाठी (ulhas river flood) असलेल्या नेरळ शहरातील नागरिक मासेमारी करण्यासाठी नदीत जात असतात. आजही नेरळचा एक तरुण मासेमारी करण्यासाठी उल्हास नदीकाठी गेला होता. काही तासांपासून पावसाची कोसळधार सुरुच असल्याने उल्हास नदीने धोक्याची पातळी ओलांडली होती. परंतु, मासेमारी करण्यासाठी गेलेला तरुण नदीला पूर आला असतानाही पाण्यात उतरला. पाण्याच्या प्रवाहाचा अंदाज न आल्याने (drowned in flood water) हा तरुण पूराच्या पाण्यात वाहून गेला. या घटनेमुळं परिसरात एकच खळबळ उडाली आहे.

मिळालेल्या माहितीनुसार, गेल्या काही दिवसांपासून कोसळणाऱ्या मुसळधार पावसामुळे घाटावरून रायगड जिल्ह्यात वाहत येणाऱ्या उल्हास नदीला पूर आला आहे. त्याचवेळी नेरळ येथील एक तरुण मासेमारी करण्यासाठी उल्हास नदीच्या पाण्यात उतरला. पूराच्या पाण्याचा अंदाज न आल्याने तरुण पाण्याचा प्रवाहाद्वारे बदलापूरच्या दिशेनं वाहून गेला. ही थरारक घटना मोबाईलच्या कॅमेरात कैल झाली आहे. दरम्यान, उल्हास नदीच्या पाण्यात वाहून गेलेला तरुणाची माहिती अद्याप मिळाली नाही.

Edited By - Naresh Shende