पुणे - राज्यात सत्ताधारी आणि विरोधकात चांगलेच कलगीतुरे रंगताना पाहायला मिळत आहेत. त्यातच सांगली येथे झालेल्या कार्यक्रमात भाजपचे प्रदेशाध्यक्ष चंद्रकांत पाटील यांनी राष्ट्रवादीचे अध्यक्ष शरद पवार यांच्यावर एकेरी भाषेत टीका केली. मात्र या वक्तव्याचा निषेध करत पुण्यातील एका राष्ट्रवादीच्या कार्यकर्त्याने चंद्रकांत पाटील यांना अनोखी भेट दिली आहे.

हे देखील पहा -

राष्ट्रवादीच्या कार्यकर्त्याने चंद्रकांत पाटील यांना थेट नवरत्न तेल डोक्याला लावण्यासाठी पाठवले आहे. संदीप काळे असे या कार्यकर्त्यांचे नाव. यावर उत्तर देताना काळे म्हणाले की, आपण कुणाबद्दल बोलतो, आपली तेवढी उंची आहे का, बोलताना जरा डोकं शांत ठेवून टिका करत जा, म्हणून हे नवरत्न तेल तुमचं डोकं शांत करण्यासाठी पाठवत आहे आणि तरीही तुमचं डोकं शांत नाही झालं तर, त्याचा इलाज मी स्व खर्चांने करतो, असा इशारा देखील या कार्यकर्त्याने दिला आहे.

Edited By - Shivani Tichkule