रश्मी पुराणिक

मुंबई: राष्ट्रवादीचे अध्यक्ष शरद पवार (Sharad Pawar) यांची कोरोना चाचणी पॉझिटिव्ह आली आहे. माझी कोरोना पॉझिटिव्ह चाचणी आली आहे, परंतु काळजीचे कोणतेही कारण नाही. माझ्या डॉक्टरांनी सांगितल्याप्रमाणे मी उपचार घेत आहे. गेल्या काही दिवसांपासून माझ्या संपर्कात असलेल्या सर्वांना मी विनंती करतो की त्यांनी स्वतःची चाचणी करुन घ्यावी आणि आवश्यक ती खबरदारी घ्यावी असे ट्विट करत शरद पवारांनी केले आहे. पंतप्रधान नरेंद्र मोदी (Narendra Modi) यांनी फोन करुन प्रकृतीची विचारपूस केल्याचं शरद पवारांनी सांगितले. त्याच देवेंद्र फडणवीस यांनी लवकरात लवकर बरे होण्याची प्रार्थना केली आहे.