अक्षय गवळी, अकोला प्रतिनिधी

अजित पवारांच्या विमान अपघातावेळी आलेला पायलट सुमित कपूर हा सुसाईड बॉम्बर म्हणून आला होता का?, असा गंभीर सवाल राष्ट्रवादीचे आमदार म्हणून मिटकरी यांनी केलाय. 'लिट्टे'ने माजी पंतप्रधान राजीव गांधी यांची हत्या केली तशीच अजित पवार यांची हत्या झालीय का?, असा गंभीर सवालही त्यांनी यावेळी केलाय. अमोल मिटकरी यांच्या सवालानंतर राज्यात पुन्हा एकदा खळबळ उडाली आहे.

सुमित कपूर यांची पत्नी सुमित कपूर जिवंत असल्याच्या म्हणत असेल तर विमान अपघातात खरंच सुमित कपूरचा मृत्यू झाला का?, असा प्रश्न आमदार अमोल मिटकरी यांनी केलाय. ते अकोल्यातील एका आयोजित शिवजयंती कार्यक्रमात बोलत होते. अजित पवारांच्या विमान अपघाताबद्दल मोठं गुढ असताना महाराष्ट्र इतका शांत कसा?, असा सवालही त्यांनी केलाय.‌ अजित पवार हे महाराष्ट्राला न मिळालेले शिव विचारांचे सर्वोत्तम मुख्यमंत्री होते, असंही ते म्हणाले.

दरम्यान, अजित पवारांच्या विमानाचे आधीचे पायलट म्हणून जबाबदारी असलेले कॅप्टन साहिल मदन आणि कॅप्टन यश हे कोणत्या ट्रॅफिकमध्ये अडकले होतेय? त्याचे सीसीटीव्ही फुटेज कुठे आहेत? असा सवालही त्यांनी केलाय.‌ अजित पवारांचा मृत्यू म्हणजे गोजूबावीच्या माळरानावरचं न उलगडलेलं गुढ असल्याचं ते म्हणाले. 'ब्लॅक बॉक्स'चा डाटा आणखी काही दिवस देऊ नका. मात्र, सीसीटीव्ही फुटेज का देत नाही? असा सवालही त्यांनी केलाय.

अमोल मिटकरी यांनी उपस्थित केलेले सवाल?

1. लिट्टेने राजीव गांधींची जशी हत्या केली तशीच हत्या अजित पवारांची झाली आहे का?.‌

2. कॅप्टन सुमित कपूर हा सुसाईड बॉम्बर म्हणून आला होता का?

3. जर कपूर यांची पत्नी सुमित कपूर जिवंत असल्याच्या म्हणत असेल तर विमान अपघातात खरंच सुमित कपूरचा मृत्यू झाला का?

4. अजित पवारांच्या विमान अपघाताबद्दल मोठं गुढ असतांना महाराष्ट्र इतका शांत कसा?

5. अजित पवारांच्या विमानाचे आधीचे पायलट म्हणून जबाबदारी असलेले कॅप्टन साहिल मदन आणि कॅप्टन यश हे कोणत्या ट्रॅफिकमध्ये अडकले होतेय?. त्याचे सीसीटीव्ही फुटेज कुठे आहेत?

6. कॅप्टन साहिल मदन आणि कॅप्टन यश हे दोघे आता नेमके कुठे आहेत?.

7. अजित पवारांचा मृत्यू म्हणजे गोजूबावीच्या माळरानावरचं न उलगडलेलं गुढ.

8. 'ब्लॅक बॉक्स'चा डाटा आणखी काही दिवस देऊ नका.. मात्र, सीसीटीव्ही फुटेज का देत नाही?.