Pune News : पुण्यात माजी नगरसेवक बाबुराव चांदेरे यांनी रिक्षाचालकास मारहाण केल्याचा व्हिडीओ समोर आला आहे. बाणेर भागात वाहतूक सुरळीत करताना चांदेरे यांनी रिक्षाचालकास मारहाण केली आहे.

बाबुराव चांदेरे हे पुणे महानगर पालिकेचे माजी स्थायी समिती अध्यक्ष आहेत. बाबुराव चांदेरे सध्या राष्ट्रवादीचे माजी नगरसेवक आहेत. मात्र या घटनेनंतर एखाद्या रिक्षाचालकाला अशी भररस्त्यात मारहाण योग्य आहे का असा सवाल उपस्थित होत आहे.  (Political News)

व्हिडीओत दिसतंय त्यानुसार एक रिक्षाचालकाने एका चौकात अडथळा होईल अशा पद्धतीने रिक्षा उभी केली होती. याबाबत एक व्यक्ती या रिक्षा चालकाला रिक्षा मागे घेण्यास सांगत आहे. यावरून दोघांमध्ये बाचाबाची होतानाही दिसत आहे. (Latest News Update)

यावेळी बाबुराव चांदेरे तिथे येतात आणि रिक्षाचालकाला थेट कानशिलात लगावताना दिसत आहेत. चांदेरे यांच्या कार्यकर्त्यानेही रिक्षाचालकास मारहाण केली. त्यानंतर चांदोरेंनी दमदाटी करत रिक्षाचालकाला रिक्षा मागे घेण्यास भागही पाडले.