मुंबई: नुकत्याच झालेल्या नगरपंचायतीच्या नगराध्यक्ष आणि उपनगराध्यक्ष निवडणुकीत राष्ट्रवादी काँग्रेस पहिल्या नंबरचा पक्ष ठरला, अशी माहिती राष्ट्रवादी काँग्रेसचे राज्य मुख्य प्रवक्ते महेश तपासे यांनी दिलीये. तर भाजपला दुसरा क्रमांकही गाठता आला नाही असं म्हणत त्यांनी भाजपला चिमटे काढले आहेत (NCP is the number one party in the mayor and deputy mayor elections says Mahesh Tapase).

राज्यात एक नंबरचा पक्ष ठरला अशा बाता मारणाऱ्या भाजप (BJP) ला या निवडणुकीत दुसरा नंबरही गाठता आलेला नाही, असा खोचक टोलाही महेश तपासे (Mahesh Tapase) यांनी भाजपला लगावला आहे. नगरपंचायत निवडणुकीत विरोधकांनी राष्ट्रवादी (NCP) ला बदनाम करण्याची अनेक षड्यंत्र रचली. तरी देखील महाराष्ट्रातील जनतेने नगरपंचायतीत राष्ट्रवादीला कौल दिला आहे, असेही ते म्हणाले.

राष्ट्रवादी : काँग्रेस नगराध्यक्ष - 30 , उपनगराध्यक्ष - 30

शिवसेना : नगराध्यक्ष - 27 , उपनगराध्यक्ष - 16

कॉंग्रेस : नगराध्यक्ष - 20, उपनगराध्यक्ष - 21

भाजप : नगराध्यक्ष - 20, उपनगराध्यक्ष - 21

याचा अर्थ एक नंबरचा पक्ष दुसर्‍या नंबर गाठू शकला नाही, असेही महेश तपासे म्हणाले.

Edited By - Nupur Uppal