मुंबई - आर्थिक संकटात असलेल्या बेस्टला (Best Bus) पालिकेकडून वेळोवेळी अर्थसहाय्य केलं जातं. आतापर्यंत साडेतीन हजार कोटी रुपयांचं अर्थसहाय्य पालिकेने (Municipal Corporation) बेस्टला केलं आहे आणि आता पुन्हा एकदा ६ हजार ६५० कोटी रुपयांचं अर्थसहाय्य करण्याचा प्रस्ताव पालिकेच्या महासभेत मंजूर करण्यात आला आहे. (Mumbai Latest News)

यानुसार आगामी स्थायी समितीपुढे निधी हस्तांतरणासाठीचा प्रस्ताव मंजुरीसाठी येणार आहे. यामध्ये ६ हजार ६५० कोटी ३१ लाख रुपये पालिका अर्थसंकल्प 'अ' मधून वर्ग 'क' मध्ये हस्तांतरण केले जातील .

हे देखील पहा -

२०२१-२२ च्या अर्थसंकल्पात पालिकेने अनुदान देण्यासाठी ७५० कोटी रुपयांची तरतूद करून ठेवली होती. तर दोन वर्षांपूर्वी बेस्टच्या १ हजार ८८७ कोटी ८३ लाख रुपयांचे पालिकेने बेस्टला अनुदान देऊन मदत केली आहे.

आतापर्यंत पालिकेने बेस्टला केलेलं अर्थसहाय्य

२०१५-१६ : २५ कोटी १० लाख

२०१६-१७ : १०० कोटी

२०१७-१८ : १३ कोटी ६९ लाख

२०१८-१९ : १२ कोटी ५६ लाख

२०१९-२० : २१५० कोटी ३ लाख

२०२०-२१ : १४०० कोटी

Edited By - Shivani Tichkule