रुपाली बडवे, प्रतिनिधी...

Mumbai Train Issue: पळसदरी स्टेशनच्या अलीकडील पॉईंट फेल झाल्याची माहिती समोर आली आहे. यामुळे इतर ट्रेनला याचा मोठा फटका बसला असून गेल्या तासाभरापासून वाहतूक खोळंबली आहे. या प्रकारामुळे मुंबईच्या चाकरमान्यांचा चांगलाच खोळंबा झाल्याचे पाहायला मिळाले.

याबाबत अधिक माहिती अशी की, लोणावळा (Lonavla) ते कर्जतमधील क्रॉसिंग पॉइंट फेल झाल्याची माहिती समोर आली आहे. यामुळे सिंहगड एक्स्प्रेसह अनेक ट्रेनना याचा फटका बसला आहे. पळसदरी स्थानकाच्या अलीकडील पॉइंट फेल झाला आहे. यामुळे गेल्या तासभराहून अधिक काळ वाहतूक खोळंबलेली आहे.

लोणावळा ते कर्जतच्यामध्ये असलेल्या पळसदरी स्टेशनजवळ एका क्रॉसिंग पॉइंटमध्ये बिघाड झाला. यामुळे पुण्याकडून मुंबईकडे येणारी वाहतूक खोळंबली आहे. यावेळी सिंहगड एक्सप्रेस कर्जत स्थानकाच्या अलीकडे सुमारे दीड तास थांबली होती. त्यामुळे त्यामागून येणाऱ्या सर्व रेल्वेंनाही विलंब झाला.

दरम्यान, सकाळी ट्रेनने पुण्याहून (Pune) मुंबईकडे अनेक चाकरमानी येत असतात. हजारो प्रवासी कामानिमित्त ट्रेनने प्रवास करत असतात .मात्र सकाळी- सकाळी ट्रेनचा घोळ झाल्याने प्रवाशांना नाहक त्रास सहन करावा लागला. ज्यामुळे नाराजी व्यक्त केली जात आहे. (Latest Marathi News)