वंदे भारत ट्रेनला आज सायंकाळी पुणे रेल्वे स्टेशनजवळ अपघात झाला. मुंबईवरुन सोलापूरकडे जाणाऱ्या रेल्वेचा कोच नं सी 15 रुळावरून घसरला. पुणे स्टेशनवरील प्लॅटफॉर्म नंबर 3 वर ट्रेन येत असताना हा अपघात झाला. अपघातामुळे काही काळ प्रवाशांमध्ये भीतीचं वातावरण पसरलं होतं. सुदैवाने या अपघातात कोणतीच जीवितहानी झाली नाहीये. हा अपघात कशामुळे याचे कारण समोर आले आहे. तसेच अपघाताची चौकशी केली जाणार आहे.

ट्रेन नंबर 22225 मुंबई ते सोलापूरकडे निघाली होती. ही ट्रेन पुणे स्थानकात सायंकाळी सुमारे 7.30 वाजता ३ नंबर प्लॅटफॉर्ममध्ये प्रवेश करत असताना डायमंड क्रॉसिंगवर चौथ्या डब्याचा एक ट्रॉली घसरली.पुणे स्थानकाच्या यार्ड रिमॉडेलिंग अंतर्गत या क्रॉसिंगच्या उन्नतीकरणाचे काम नियोजित आहे, त्यावेळी ट्रेनला किरकोळ अपघात झाला.

अपघाताचे कारण काय?

वंदे भारत एक्सप्रेस अपघाताचे प्राथमिक कारण समोर आले आहे. मुख्य लाईनवरून प्लॅटफॉर्म क्रमांक तीनच्या दिशेने जात असताना ट्रेनचा डबा रुळावरून घसरला. मुंबईहून पुणे रेल्वे स्टेशनवरील प्लॅटफॉर्म क्रमांक तीनवर येत असताना अपघात झाला. मुख्य लाईनवरून ट्रेनचे इंजिन पुढे जात असताना 15 नंबरचा डब्याने ट्रॅक बदलला नाही, यामुळे अपघात घडला. दरम्यान, अपघाताची चौकशी करण्यासाठी समिती गठित केली जाणार आहे.