भूषण शिंदे

मुंबई : राज्यात सर्वत्र पावसाने हजेरी लावली आहे. मुंबईसह (Mumbai) राज्यातील अनेक जिल्ह्यात मुसळधार पाऊस (Rain) कोसळत आहे. मुंबईत काल पासून पावसाची संततधार सुरू आहे. तर आजच्या पावासाने नवी मुंबईला झोडपून काढलं आहे. अशात मुंबई हवामान खात्याने मुंबईसह उपनगरात मुसळधार पावसाचा इशारा दिला आहे. त्यामुळे पुढील तीन ते चार तास मुंबईपरिसरात मुसळधार पावसाची शक्यता वर्तवण्यात आली आहे. ( Mumbai Rain Uptate )

दोन दिवसांपूर्वी मुंबईत पावसाने दडी मारली होती. मात्र, त्यानंतर कालपासून मुंबईत पावासाला सुरुवात झाली आहे. त्यामुळे उकाड्याने हैराण झालेला मुंबईकर सुखावला आहे. त्यात मुंबईत हवामान खात्याकडून मुसळधार पावसाचा इशारा दिला आहे. पुढील तीन ते चार तास मुंबईमध्ये मुसळधार पावसाची शक्यता वर्तवण्यात आली आहे. हवामान खात्याकडून मुंबई आणि मुंबई उपनगरासाठी पावसाचा अलर्ट जारी करण्यात आला आहे.

दरम्यान, नवी मुंबईतही मुसळधार पावसाला सुरुवात झाली आहे. दोन दिवसांनंतर नवी मुंबईत चांगलाच धोर धरला आहे. नवी मुंबईत गेल्या तासाभरापासून मुसळधार पाऊस पडत आहे. पुढील ५ दिवस मुसळधार पाऊस पडणार असल्याचे हवामान खात्याने देखील सांगितले. नवी मुंबईत जोरदार वाऱ्यासह पाऊस कोसळत आहे.

नवी मुंबईसह रत्नागिरीत देखील पावसाचा जोर वाढला आहे. मुसळधार पावसामुळं चिपळूनमध्ये रस्त्यात जागोजागी पाणी साचले आहे. पावासामुळे मुंबई-गोवा महामार्गावर पाणी साचले आहेत. चिपळून डिबीजे कॉलेजसमोर पाणी जमा झाले आहेत. तर महामार्गावर पावसाच्या पाण्यामुळे नदीचं स्वरुप आलं आहे. चिपळूनमध्ये अनेक सखोल भागात पाणी साचलं आहे. अरुंद नाल्यामुळे हे पाणी साचलं आहे. त्यामुळे सदर पाणी बाहेर काढण्यासाठी कर्मचारी दाखल झाले आहेत.