मुंबई-पुणे द्रुतगती मार्गावरील मुंबई मार्गीकेवर पहाटे साडेचारच्या सुमारास भीषण अपघात घडला. तांदूळ भरलेला ट्रक, खाद्य तेल वाहून नेणारा कंटेनर आणि एर्टिगा कार यांचा भीषण अपघात झाला. या अपघातात ट्रक चालक व क्लिनर यांचा जागीच मृत्यू झाला असून, इतर तिघेजण जखमी झाले आहेत. (Mumbai Pune Expressway triple accident latest news)

मिळालेल्या माहितीनुसार तांदूळ भरलेल्या ट्रक पुण्याकडून मुंबईच्या दिशेने जात होता. चालकाचं ट्रकवरील नियंत्रण सुटले आणि ते समोर असलेल्या कंटेनरला जोरदार धडकले. याचवेळी बाजूने जाणाऱ्या एर्टिगा कारलाही धडक लागली. धडकेनंतर तांदूळ भरलेला ट्रक आणि खाद्य तेल वाहून नेणारा कंटेनर रस्त्यावर उलटला.

मिळालेल्या माहितीनुसार तांदूळ भरलेल्या ट्रक पुण्याकडून मुंबईच्या दिशेने जात होता. चालकाचं ट्रकवरील नियंत्रण सुटले आणि ते समोर असलेल्या कंटेनरला जोरदार धडकले. याचवेळी बाजूने जाणाऱ्या एर्टिगा कारलाही धडक लागली. धडकेनंतर तांदूळ भरलेला ट्रक आणि खाद्य तेल वाहून नेणारा कंटेनर रस्त्यावर उलटला.

अपघातामुळे तांदळाच्या बॅगा आणि खाद्य तेल रस्त्यावर फेकले गेल्याने काही काळ द्रुतगती मार्गावरील चारही लेन प्रभावित झाले होते. अपघात जखमी झालेल्यांना उपचारासाठी खोपोली ग्रामीण रुग्णालय तसेच एमजीएम रुग्णालय, कामोठे येथे हलविण्यात आले. अपघातग्रस्त वाहने आणि रस्त्यावर पडलेला माल हटवून वाहतूक सुरळीत करण्यात आली.

साताऱ्यात ट्रॅव्हल्स बसचा भीषण अपघात

बेंगळुरूहून मुंबईच्या दिशेनं निघालेल्या ट्रॅव्हल्स बसला सातारा-पुणे महामार्गावर सारोळे उड्डाणपुलाजवळ भीषण अपघात झाला. अपघातग्रस्त बसमध्ये ४० प्रवासी असल्याची माहिती साम टीव्हीच्या सूत्रांनी दिली. या अपघातानंतर बसचा चालक घटनास्थळावरून पसार झाला. सुदैवाने सर्व प्रवासी सुखरूप आहेत.