Car Fire News: मुंबई पुणे एक्सप्रेस वेवर एका कारला भीषण आग लागल्याची घटना घडली आहे. ही आग एवढी भीषण होती की त्यात कार पूर्णपणे जळून खाक झाला आहे. यामुळे महामार्गावर वाहतूकीची कोंडी झाली असून तब्बल १० किमी लांबीच्या वाहनांच्या रांगा लागल्या आहेत. (Latest Marathi News)

मुंबई पुणे एक्सप्रेस वेवर खोपोली जवळ पुणे लेनवर ही दुर्घटना घडली असून या घटनेत कार जळून खाक झाली. सुदैवाने या घटनेत कुठल्याही जीवीतहानी झालेली नाही. घटनेची माहिती मिळताच अग्नीशमन दलाचे जवान घटनास्थळी दाखल झाले. मात्र अग्नीशमन दलाला आग विझवण्यात अद्याप यश आलेले नाही. या घटनेमुळे महामार्गावर लांबच लांब वाहनाच्या रांगा लागल्याचं पाहायले पाहायला मिळाले. दरम्यान ही आग नेमकी कशी लागली याची माहिती अद्याप समोर आलेली नाही. (Pune News)

जुन्या महामार्गावर वाहतुक कोंडी

पुणे मुंबई एक्सप्रेस हायवे नंतर आता जुना पुणे (Pune) मुंबई महामार्गवर देखील वाहतुक कोंडी झाली आहे. सलग आलेल्या सुट्ट्यांमुळे अनेक जण बाहेरगावी आपल्या खाजगी वाहनाने निघाल्याने वाहनांच्या संख्येत वाढ झाली आहे. त्यामुळे मोठ्या प्रमाणात वाहतुक कोंडी झाली आहे. वाहतूक कोंडी सुरळीत करण्यासाठी महामार्ग पोलिसांकडून (Police) 10-10 मिनिटांचे ब्लॉक घेऊन गाड्या विरुद्ध दिशेने सोडून ट्रॅफिक सोडविण्याचा प्रयत्न केला जात आहे