मुंबई: अँटिलिया धमकीनंतर आता पुन्हा अंबानी कुटुंबाला धमकी आल्याचे समोर आले आहे. यावेळी रिलायन्स फाऊंडेशन रुग्णालयाच्या (Hospital) डिस्प्ले क्रमांकावर धमकीचा फोन आला आहे. कॉलरने मुकेश अंबानी आणि त्यांच्या कुटुंबीयांना धमकी दिली आहे. यानंतर रुग्णालयातील कर्मचाऱ्यांनी याबाबत डीबी मार्ग पोलीस ठाण्यात तक्रार केली आहे.

एकूण ८ धमकीचे कॉल आल्याचे सूत्रांनी सांगितले, पोलीस (Police) या कॉलची तपासणी करत आहेत. फोन करुन जीवे मारण्याची धमकी दिली असल्याची माहिती मिळत आहे.

हे देखील पाहा

धमकी देणारा हा आरोपी हा मनोरुग्ण असल्याचा पोलिसांना संशय आहे. आरोपीने केलेल्या ८ फोनचा माग सायबर पोलीस घेत आहेत. डी बी मार्ग पोलीस ठाण्यात गुन्हा दाखल करण्याची प्रक्रिया सुरू आहे.

मागील वर्षी उद्योगपती मुकेश अंबानी यांच्या मुंबईतील निवासस्थानाजवळ स्फोटकांनी भरलेली गाडी सापडली होती, त्याचा तपास राष्ट्रीय तपास यंत्रणेने आपल्या हाती घेतला आहे. केंद्रीय गृहमंत्रालयाच्या आदेशावरून एनआयएने या प्रकरणाचा तपास आपल्या हाती घेतला.