मुंबई : भाजप नेते किरीट सोमय्या यांचे पुत्र नील (Neil Somaiya) यांची मुंबई पोलिसांच्या EOW ने नील सोमय्या विरोधात तपास सुरू केला आहे. वसई येथे जमीन खरेदी केल्याप्रकरणी नीलवर गुन्हे दाखल करण्यात आले असून या प्रकरणात ईओडब्ल्यूने आतापर्यंत ७ जणांचे जबाब नोंदवले आहेत. EOW ने या प्रकरणातील तक्रारदाराचे जबाबही नोंदवले आहे जेणेकरून या प्रकरणाची तक्रार बारकाईने समजून घेता येईल.

राऊतांनी केलेले आरोप -

दरम्यान, किरीट सोमय्या (Kirit Somaiya) यांचा मुलगा नील यांच्या मालकीच्या निकॉन इन्फ्रा कन्स्ट्रक्शनमध्ये PMC बँक घोटाळय़ातील आरोपी राकेश वाधवान हे भागीदारी आहे. तसंच या प्रकल्पासाठी सोमय्यांनी 400 कोटींची जमीन साडेचार कोटींमध्ये विकत घेतल्याचा आरोप संजय राऊत (Sanjay Raut) यांनी शिवसेना भवनात घेतलेल्या पत्रकार परिषदेत केला होता तसंच हे बाप, बेटे जेलमध्ये जाणार असून कोठडीचं सॅनिटायजेशन सुरु असल्याचंही राऊत म्हणाले होते.

मात्र, राऊतांचे हे सर्व आरोप सोमय्या यांनी फेटाळले होते. “नील वा माझा वाधवानशी संबंध नाही, पीएमसी बँकेशीही संबंध नाही. वास्तविक, पीएमसी बँकेतील घोटाळा मीच उघड केला होते. आम्हाला तुरुंगात टाकायचे तर खुशाल टाका. आम्ही चौकशीला आम्ही घाबरत नाही,” असं सोमय्या म्हणाले होते.

मात्र आता सोमय्यांच्या मुलाची सुरु असणारी चौकशी आणि काल झालेल्या मुख्यमंत्र्यांच्या मेहुण्यावरती झालेली कारवाई यामुळे आता एकमेकांविरोधातील चौकशींची लढाई सुरु झाल्याच चित्र निर्माण झालं आहे.

Edited By - Jagdish Patil