>> संजय गडदे

Mumbai Latest News: मुंबईत घरे कोसळून दुर्घटना होण्याच्या घटना थांबायचे नाव घेत नाही. पावसाला सुरुवात झाल्यापासून मुंबईच्या मालाड, घाटकोपर विद्या विहार अशा विविध ठिकाणी घरे कोसळून सात पेक्षा अधिक नागरिकांना आपला जीव गमवावा लागला.

या घटना ताज्या असतानाच मुंबईच्या कांदिवली पूर्वेकडील बानडोंगरी अशोक नगर परिसरातील एक घर कोसळल्याची दुर्घटना घडली आहे. या दुर्घटनेत एक पस्तीस वर्षीय तरुणाला आपला जीव गमवावा लागला आहे.

किसन धुला, असं मयत व्यक्तीचे नाव आहे. दुर्घटना घडल्यानंतर शेजाऱ्यांनी गंभीर जखमी अवस्थेतील किसन धुळला यांना कांदिवलीच्या शताब्दी रुग्णालयात उपचारासाठी दाखल केले. मात्र डॉक्टरांनी त्याला मृत घोषित केले. रात्री साडेनऊ वाजण्याच्या सुमारास ही घटना घडली आहे. (Latest Marathi News)

घराचा पोटमाळा कोसळला कोसळून दीड महिन्याच्या बाळाचा दुर्देवी मृत्यू

दरम्यान, दुसऱ्या एका घटनेत बोरिवलीत घराचा पोटमाळा कोसळला. ज्यामध्ये दीड महिन्याच्या बाळाचा दुर्देवी मृत्यू झाला आहे. या मन सुन्न करणाऱ्या घटनेने परिसरात एकच खळबळ उडाली आहे.

मिळालेल्या माहितीनुसार, बोरीवलीच्या गणपत पाटीलनगर येथे हा प्रकार घडला. बाळ झोपेत असताना अचानक पोटमाळा कोसळला आणि या दुर्घटनेत दीड महिन्यांच्या आर्यन पालचा मृत्यू झाला आहे.