Kurla Building Fire : कुर्ल्यातील एका इमारतीला आग लागल्याची घटना समोर आली आहे. टिळकनगर (Mumbai) परिसरात ही घटना घडली आहे. इमारतीत काही नागरिक अडकले असल्याची माहिती आहे. घटनेची माहिती मिळताच अग्निशमन दलाने घटनास्थळी धाव घेतली असून बचावकार्य सुरू आहे. नेमकी ही आग कशामुळे लागली याचे कारण अद्यापही अस्पष्ट आहे. (Mumbai News Today)

कुर्ल्यातील नवीन टिळक नगर रेल व्ह्यू इमारतीत ही मोठी इमारत आहे. या इमारतीला दुपारच्या सुमारास आग लागली. ही आग सध्या इमारतींच्या काही मजल्यांपर्यंत पोहोचली आहे. अग्निशमन दल येईपर्यंत स्थानिक नागरिकांनी आगीत अडकलेल्या लोकांना वाचवण्याचा प्रयत्न करीत आहेत.

इमारतीला लागलेली आग भीषण असून या इमारतीतून धुराचे लोट येत आहेत. अग्निशामक दलाच्या गाड्या घटनास्थळी दाखल झाल्या आहेत. तर इमारतीतील इतर लोकांना बाहेर काढण्यात आले असून बचावकार्य सुरू आहे. स्थानिक पोलिस घटनास्थळी दाखल झाले आहेत.

१२ मजली इमारतीच्या बाराव्या मजल्यावर ही आग लागल्याची माहिती आहे. कोणालाही दुखापत झाल्याचं अद्याप वृत्त नाही. इमारतीला आग लागल्यानंतर इमारतीमधील महिला, लहान मुले हे खिडकीत येऊन मदतीसाठी हाक देत असल्याचं दिसून येत आहे.

Edited By - Satish Daud