महेंद्र वानखेडे, मिरा भाईंदर | ता. 8 फेब्रुवारी २०२४

Mumbai News

मिरा रोड पूर्व पूजानगर परिसरात मंगळवारी सायंकाळी ५ च्या सुमारास एक ह्रदय पिळवटून टाकणारी घटना घडली आहे. गच्चीवर पतंग पकडण्यासाठी गेलेल्या ११ वर्षीय मुलाचा तोल जाऊन इमारतीवरून खाली पडून मृत्यू झाला आहे. हमजा मुस्ताक कुरेशी असे मयत मुलाचे नाव आहे. घटनेपूर्वी काही तास आधी सीसीटीव्हीमध्ये तो सोसायटीच्या मुलांच्या सोबत सायकल चालवताना दिसत आहे.

पूजानगर येथील शरयू अपार्टमेंटमध्ये मुस्ताक कुरेशी आपल्या पालकांबरोबर राहत होता. मंगळवारी सायंकाळी तो इमारतीच्या गच्चीवर खेळायला गेला असताना तोल जाऊन खाली पडला. यावेळी त्याला उपचारासाठी मिरा रोडच्या खासगी रुग्णालयात नेण्यात आले होते. मात्र डोक्याला जबर मार लागल्याने उपचारादरम्यान त्याचा मृत्यू झाला.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

हमजा हा सी विंगमध्ये राहात होता व इमारतीचे टेरेस नेहमी बंद असायचे मात्र सोसायटीमध्ये रिपेरिंग काम सुरू असल्याने बी विंगचे टेरेस उघडे होते. दरम्यान हमजा पतंग उडवण्यासाठी नेहमी त्या विंग मधून टेरेसवर जात होता मात्र कामगारांकडून त्याला नेहमी वरयेण्या पासून अडवले जात होते. दररोज पतंग पकडून घरात जमा करून ठेवत होता. मात्र मंगळवारी नेहमी सारखा हमजा पतंग पकडण्यासाठी टेरेस वर गेला तेव्हा कामगारांनी त्याला ओरडून परत खाली पाठवले, मात्र कामगारांचे लक्ष नसल्याचे पाहून तो टेरेसवर गेला होता. पतंग पकडण्याच्या नादात त्याचा तोल गेला आणि तो खाली पडला. या घटनेमुळे सोसायटीमध्ये हळहळ व्यक्त होत आहे.