महेंद्र वानखेडे,नालासोपारा

नालासोपारा येथे एका बोगस डॉक्टरने २२ वर्षीय तरुणीवर उपचाराच्या नावाखाली बलात्कार केल्याची घटना उघडकीस आली आहे. डॉ. बाबासाहेब पाटील असं या डॉक्टरचे नाव आहे. नालासोपारा पश्चिमेच्या छेडानगर मधील गौरव गॅलक्सी इमारतीत त्याचा दवाखाना आहे. सोमवारी २२ वर्षीय तरुणी उपचारासाठी आली होती. त्यावेळी पाटील याने तिच्याकडे शरीरसुखाची मागणी करून बलात्कार केला. बाबासाहेब पाटील याच्याविरोधात बलात्कार (कलम ३७६) आणि विनयभंगाचा (कलम ३५४) गुन्हा दाखल करण्यात आला आहे.

बाबासाहेब पाटील नाशिकचा असून दर आठवड्याला नालासोपाऱ्यात उपचारासाठी येत असल्याचं इमारतीतील रहिवाशांनी सांगितलं. पाटील हा डॉक्टर नसून त्याच्याकडे कुठलीही वैद्यकीय पदवी नाही. मात्र तो वैद्य असल्याचा दावा करून मागील ३० वर्षांपासून मुळव्याधीवर उपचार करत असल्याची माहिती नालासोपारा पोलीस ठाण्याचे सहाय्याक पोलीस निरीक्षक प्रमोद कदम यांनी दिली.

आजोबाकडून नातीवर अत्याचार

अकोला जिल्ह्यातून नात्याला काळिमा फासणारी एक घटना समोर आली आहे. आजोबानं १७ वर्षाच्या नातीलाच वासनेची शिकार बनवलं. चुलत आजोबाने नातीवर सलग अत्याचार केल्याचा धक्कादायक प्रकार समोर आला आहे. मुलीच्या वयाच्या साडे १७ वर्षांपासून चुलत आजोबाकडून ब्लॅकमेल करत तिच्यावर अत्याचार करण्यात येत होता. या पीडित मुलीला शेजारच्या महिलेने देखील ब्लॅकमेल करत एका तरुणांसोबत शारीरिक संबंध प्रस्थापित करायला भाग पाडलं. या धक्कादायक प्रकारामुळे मुलगी गरोदर राहिली. सद्यस्थितीत पीडित मुलीचे वय १८ असून ती ९ महिन्याची गरोदर आहे. या प्रकरणी खदान पोलिसांत गुन्हा नोंद करण्यात आला आहे.