अभिजीत देशमुख, साम टीव्ही

मुंबई : मध्य रेल्वेच्या वाहतुकीबाबत महत्वाची माहिती समोर आली आहे. मध्य रेल्वेच्या आसनगाव-टिटवाळा रेल्वे स्थानकादरम्यानची वाहतूक विस्कळीत झाल्याची माहिती हाती आली आहे. ही वाहतूक विस्कळीत झाल्याने प्रवाशांना मोठा फटका बसणार आहे.

मिळालेल्या माहितीनुसार मध्य रेल्वेच्या आसनगाव टिटवाळा रेल्वे स्थानकादरम्यान मेल एक्स्प्रेसच्या इंजिनमध्ये बिघाड झाल्याची माहिती हाती आली आहे. हरिद्वार ते लोकमान्य टिळक टर्मिनसकडे येणाऱ्या मेल एक्स्प्रेसच्या इंजिनमध्ये बिघाड झाला आहे. यामुळे आसनगावहून कल्याणच्या दिशेने येणारी वाहतूक ठप्प झाली आहे. त्यामुळे रेल्वेकडून इंजिन दुरुस्तीचे काम सुरु आहे.