Mumbai Local Train : मुंबईतील (Mumbai) नोकरदार वर्गाला गुरुवारी सकाळीच नाहक मनस्तापाला सामोरं जावं लागलं. दादर रेल्वे स्थानकावर सिग्नल यंत्रणेत बिघाड झाल्यामुळे मध्य रेल्वेची वाहतूक विस्कळीत झाली. याचा मोठा फटका लोकल सेवेला (Local Train) बसला असून दादरहून सीएसएमटीकडे जाणाऱ्या गाड्या उशिराने जात असल्याची माहिती आहे. (Mumbai Local Todays News)

दादर रेल्वे स्थानकावर सिग्नल यंत्रणेत बिघाड झाल्यामुळे मध्य रेल्वेची वाहतूक सध्या विस्कळीत झाली आहे. त्यामुळे दादरहून सीएसएमटीकडे जाणाऱ्या गाड्या उशिराने जात असल्याची माहिती आहे. अचानक झालेल्या तांत्रिक बिघाडामुळे प्रवाशांना खोळंबा झाला.

अनेक एक्स्प्रेस गाड्यांनाही या तांत्रिक बिघाडाचा फटका बसला आहे.सध्या रेल्वे प्रशासनाकडून तांत्रिक बिघाड दुरुस्त करण्याचे प्रयत्न केले जात आहेत. तसंच वेळापत्रक पूर्वपदावर आणण्यासाठीही शर्थीचे प्रयत्न मध्य रेल्वेच्या प्रशासनाकडून सुरु करण्यात आले आहेत.