>> संजय गडदे

Mumbai Crime News: मुंबईच्या कांदिवली पूर्व परिसरातून एक खळबळजनक घटना उघडकीस आली आहे. एका सधन कुटुंबातील 79 वर्षीय व्यक्तीने नैराश्यातून आणि वयोमानानुसार जडलेल्या विविध आजारांना कंटाळून आपल्या 76 वर्षीय पत्नीवर खुनी हल्ला केला आहे.

या हल्ल्यातयानंतर त्या वृद्धाने स्वतःवरही हल्ला केला आहे. याप्रकरणी समता नगर पोलिसांनी खुनाच्या प्रयत्नाचा गुन्हा दाखल केला आहे.

कांदिवली पूर्वेकडील ठाकूर कॉम्प्लेक्स परिसरातील मर्क्युरी रेसिडेन्सी इमारतीत विष्णुकांत बलूर (79) आणि त्यांची पत्नी शकुंतला बलूर (76) हे वृद्ध जोडपे राहत आहे. त्यांचा मुलगा युएसएमध्ये कामानिमित्त वास्तव्यास आहे. (Latest Marathi News)

विष्णुकांत 40 वर्षांपासून मधुमेहाने त्रस्त आहेत. वयोमानानुसार या जोडप्याला विविध आजारांनी ग्रासले आहे. यातूनच नैराश्य आल्याने विष्णुकांत बलोर यांनी आपल्या पत्नीच्या डोक्यावर चाकूने वार करून गळा कापण्याचा प्रयत्न केला.

त्यानंतर त्यांनी स्वतःवरही हल्ला करून जीवन संपवण्याचा प्रयत्न केला. मात्र या दोघांनाही पोलिसांनी रुग्णालयात दाखल केले असून आता दोघांचीही प्रकृती स्थिर असल्याचे समजते.