Navneet Rana Saam Tv
मुंबई/पुणे

राणा दाम्पत्याला धक्का; FIR रद्द करण्याची मागणी करणारी याचिका मुंबई हायकोर्टाने फेटाळली

खासदार नवनीत राणा आणि त्यांचे पती आमदार रवी राणा यांच्यावर गुन्हा नोंदवण्यात आला

ब्युरो रिपोर्ट, साम टीव्ही, मुंबई

मुंबई : मुख्यमंत्री उद्धव ठाकरे यांच्या 'मातोश्री' या खासगी निवासस्थानासमोर हनुमान चालिसा पठण करण्याच्या घोषणेबरोबरच दोन समुदायांत तेढ निर्माण होईल, अशी वक्तव्ये केल्याने राजद्रोहाच्या कलमासह अन्य कलमांखाली खासदार नवनीत राणा आणि त्यांचे पती आमदार रवी राणा (Navneet Rana And Ravi Rana) यांच्यावर गुन्हा नोंदवण्यात आला होता. या पार्श्वभूमीवर अडचणीत सापडलेल्या राणा दाम्पत्याने आज तातडीने मुंबई हायकोर्टात (Mumbai High Court) धाव घेतली होती. एफआयआर रद्द करण्याच्या विनंतीची फौजदारी रिट याचिका केल्यावर हायकोर्टात सुनावणी झाली. यावेळी कोर्टाने नवनीत राणा आणि रवी राणा यांनी दाखल केलेली याचिका फेटाळून लावली आहे.

हे देखील पाहा-

घटना एकच असताना दोन वेगवेगळे एफआयर दाखल करण्याची गरज काय असा प्रश्न करत एकाच एफआरआयमध्ये सर्व गुन्हे दाखल करा, अशी मागणी करत राणा दाम्पत्यांने केली होती. यावर सुनावणी करताना न्यायालयाने हा निकाल दिला आहे. दोन्ही बाजूंचा युक्तिवाद ऐकल्यावर विशेष सरकारी वकिलांच्या दाव्यात तथ्य दिसतंय असे न्यायालयाने सांगितले. जर दोन्ही याचिकाकर्ता कायद्याचा आदर करणारे लोकप्रतिनीधी असतील तर त्यांनी पोलिसांना विरोध करायला नको होता असे देखील न्यायालयाने म्हटले आहे.

हा गुन्हा जाणूनबूजून दाखल करण्यात आल्याचा आरोप राणांच्या वतीने करण्यात आला. जर पहिल्या एफआयआरमध्ये जामीन मिळाला तरी दुसऱ्या एफआयआरमध्ये आम्हाला परत अटक करता यावी यासाठीच हा गुन्हा दाखल करण्यात आला आहे. घटना एकच असताना दोन वेगळ्या एफआयआर दाखल करणे चुकीचे आहे असा युक्तीवाद राणा दाम्पत्याच्या वतीने करण्यात आला आहे.

Edited By- Digambar Jadhav

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Pune Crime : पुण्यातील प्रसिद्ध रीलस्टारवर जीवघेणा हल्ला, तिघांकडून बेदम मारहाण; शहरात खळबळ

Hafiz Saeed: मुंबई हल्ल्याच्या मास्टर माईंड हाफिसला भारताच्या ताब्यात देणार पाकिस्तान; प्रत्यार्पणासाठी ठेवली मोठी अट

Dry Fruits: पावसाळ्यात ड्राय फ्रुट्स साठवण्यासाठी वापरा 'या' सिंपल टिप्स

Sunday Horoscope : आषाढी एकादशीला होणार विष्णूची कृपा; 'या' राशींच्या लोकांवर धनाचा वर्षाव होणार

Ind vs Eng Live, 2nd Test: अबब! इंग्लंडच्या संघासमोर ६०० पेक्षा जास्त धावांचं आव्हान; टीम इंडियाकडून डाव घोषित

SCROLL FOR NEXT