सिद्धेश म्हात्रे

Mumbai Crime News : मुंबई गोवा महामार्गांवर ऑडी कार मध्ये संजय कारले या इसमाचा मृतदेह आढळला होता. या गुन्ह्याचा उलगडा करुन आरोपीला अटक करण्यात नवी मुंबई गुन्हे शाखेला तब्बल दीड महिन्यांनी यश आला आहे. कमी किंमतीत सोन देण्याचे लालच दाखवून फसवणूक करण्याचा प्रयत्न मृत संजय कारला याच्या जीवावर बेतल्याचे समोर आलं आहे.

मृत संजय कारला हा एक सऱ्हाईत गुन्हेगार असून आरोपी त्याच्या परिचयाचे होते. संजयने आरोपींना साडे सात लाखात 200 ग्राम सोनं देण्याचं आश्वासन दिल. संजयने त्यातले 5 लाख स्वीकारले. मात्र पुढील अडीच लाख स्वीकारण्यासाठी जेव्हा संजय आला त्यावेळी मात्र आरोपींनी प्रथम सोन देण्याची मागणी केली. यावर टाळाटाळ करत संजयने आरोपींना पिस्तूलचा धाक दाखवला.

त्यावेळी मात्र आरोपींनी संजयच्या हातातील पिस्तूल बळकावत त्याच्यावर 5 गोळ्या झाडल्या आणि गाडी मुंबई गोवा महामार्गांवर सोडून तेथून पळ काढला. हत्या केल्यावर आरोपी मोहसीन मुलाणी आणि अंकित कांबळे यांनी सातारा, बेंगलोर, जोधपूर, दिल्ली मार्गे नेपाळ गाठले आणि काही दिवसांनी पुणे गाठून आढावा घेऊन पुन्हा नेपाळला गेले. मात्र पोलिसांनी आरोपींचा तपास सुरूच ठेवला होता. दोन्ही आरोपी पुन्हा पुण्याला आले असता नवी मुंबई गुन्हे शाखेने आरोपींना ताब्यात घेत अटक केली.

एकूणच स्वस्त सोन्याचे आवेश दाखवून फसवणूक करण्याच्या डावात एकाने जीव गमावला तर स्वस्त सोन्याच्या लालसेपोटी दोघांची जेल वारी नक्की झाली आहे त्यामुळे बोलतातना लालच बुरी बला है ते अगदी खरं आहे.