मुंबई : टॅक्सीचालकासह पोलिसांना (Mumbai) बेदम मारहाण करणाऱ्या चार आरोपींना मुंबई पोलिसांनी अटक केली. दोन दिवसांपूर्वी कफ परेड परिसरात चारही आरोपींनी टॅक्सीचालकाला बेदम मारहाण केली होती. गंभीर बाब म्हणजे टॅक्सीचालकाला वाचविण्यासाठी आलेल्या दोन पोलिसांनाही या आरोपींनी मारहाण केली. याप्रकरणी पोलिसांनी (police) गुन्हा दाखल केला होता. या प्रकरणातील चारही आरोपींना पोलिसांनी बेड्या ठोकल्या आहेत. (Mumbai Police Todays News)

अटक करण्यात आलेल्या आरोपींमध्ये 2 नेव्ही आणि 2 CISF च्या जवानांचा समावेश आहे. कफ परेड परिसरात एका टॅक्सीचालकाला काही व्यक्ती मारहाण करत असल्याची माहिती कफ परेड पोलिसांना मिळाली होती. माहिती मिळताच पोलिसांनी तातडीने घटनास्थळी धाव घेतली.

यावेळी आरोपी प्रवीणकुमार अशोक सिंह(वय २७), चंद्रभान प्रताप सिंह (वय २६) व अभिजीतकुमार अजयबहादूर सिंह (वय ३०) हे चुन्नीलालला मारहाण करीत होते. पोलिसांनी या तिघांच्या तावडीतून चुन्नीलालची सुटका केली. त्यावेळी या तिघांनी पोलिसांनाही मारहाण करून धमकावले. (Mumbai Todays News)

पोलिसांकडून मिळालेल्या माहितीनुसार, चारही आरोपी कफ परेडला भेट देण्यासाठी आले होते. दुपारी जेवण करून त्यांनी टॅक्सी भाड्याने घेतली. चारही आरोपी दारूच्या नशेत होते. नशेतच त्यांनी टॅक्सीचालकाला मारहाण केली.

इतकंच नाही तर, मदतीसाठी आलेल्या पोलिसांना देखील आरोपींनी बेदम मारलं. या मारहाणीची संपूर्ण घटना सीसीटीव्ही कॅमेऱ्यात कैद झाली आहे. याप्रकरणी मुंबई पोलिसांनी याप्रकरणी चौघांविरोधात गुन्हा दाखल केला असून त्यांना अटकही करण्यात आली आहे.

Edited By - Satish Daud