>> सचिन गाड

Mumbai Crime News: सायन रेल्वे स्थाकावर एक धक्कादायक घटना घडली आहे. येथे रेल्वे फलाटावर महिलेला एका तरुणांचा धक्का लागल्याने महिलेने पतीसह मिळून त्याला मारहाण केली. या मारहाणीत तरुण रेल्वे रुळावर पडला. त्याच वेळी रुळावर आलेल्या रेल्वेने तरूणाला धडक दिली, ज्यात त्याचा मृत्यू झाला.

मिळालेल्या माहितीनुसार, सायन रेल्वेस्थानकावर दिनेश राठोड (वय २६) नावाच्या तरुणांचा महिला प्रवाशाला धक्का लागला. शीतल माने असं या महिलेचं नाव आहे. धक्का लागताच शीतलने दिनेशला छत्रीने मारहाण केली.

दोघांमध्ये होत असलेली बाचाबाची बघता थोड्या अंतरावर उभा असलेला महिलेचा पती अविनाश माने देखील आला आणि त्याने दिनेशला मारहाण करण्यास सुरुवात केली. ज्यात दिनेश रेल्वे रुळावर पडला. (Latest Marathi News)

रुळावर पडल्यानंतर दिनेश स्वतःला सावरत असतानाच दुर्दैवाने माटूंग्यावरून आलेल्या लोकलने त्याला उडवलं. यानंतर गंभीर जखमी झलेल्या दिनेशला रुग्नालयात दाखल करण्यात आलं. मात्र उपचारादरम्यान त्याचा मृत्यू झाला.

या घटनेनंतर अविनाश माने आणि त्याची पत्नी शीतल हिला पोलिसांनी अटक केली आहे. त्यांना सदोष मनुष्यवध केल्याच्या आरोपाखाली अटक करण्यात आली आहे. याप्रकरणी पोलीस अधिक तपास करत आहेत.