>> संजय गडदे
Mumbai Crime News: बोरिवली पोलिसांनी अशा एका भ्याड स्कूटी चोराला अटक केली आहे. जो काही मिनिटांत स्कूटी चोरून पळून जायचा. बोरिवली पोलिसांनी आरोपींकडून 6 स्कूटी जप्त केल्या आहेत. प्रेयसीला खूश करण्यासाठी आरोपी रोज नवीन अॅक्टिव्हा चोरायचा.
चोरी केलेली अॅक्टिव्हा घेऊन तो आपल्या मैत्रिणी सोबत मौज करत होता. जिथे स्कूटीचे पेट्रोल संपायचे. तो स्कूटी तिथेच सोडून दुसरी स्कूटी चोरून पळून जायचा. अनिल भीमराव निंबाळकर (23 वर्षे) असे अटक करण्यात आलेल्या आरोपीचे नाव आहे.
बोरीवली पोलीस ठाण्याच्या हद्दीत स्कूटी चोरीच्या घटना वाढत होत्या. बोरिवली पोलिसांनी गुन्हा दाखल करून स्कूटीचा तपास सुरू केला. सीसीटीव्ही आणि सूत्रांच्या मदतीने आरोपी मालाड परिसरात फिरत असल्याची माहिती पोलिसांना मिळाली. (Latest Marathi News)
त्यानंतर बोरिवली पोलिसांचे पथक तयार करून आरोपीला मालाड येथून अटक करण्यात आली. त्याच्याकडून 6 अॅक्टिव्हा जप्त करण्यात आल्या.
बोरिवली पोलिसांनी बोरिवली, दहिसर, चारकोप आणि कस्तुरबा येथे 6 गुन्हे शोधले आहेत. अनिल भीमराव हा मालवणी येथील रहिवासी असून मेकॅनिकचे काम करतो.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.