Mumbai Crime News: पत्नीच्या चारित्र्यावर संशय घेत मुलीची हत्या करून पतीने आत्महत्या केल्याची धक्कादायक घटना लालबाग परिसरात उघडकीय आली आहे. भुपेष पवार आणि आर्या पवार अशी मृतांची नाव आहेत. भूपेष यांनी आधी मुलीची हत्या केली आणि नंतर स्वत: गळफास लावून आत्महत्या केली.

मिळालेल्या माहितीनुसार, भुपेष हे त्यांच्या पत्नीवर नेहमी संशय घ्यायचे. यातूनच भूपेष यांनी मंगळवारी त्यांची पत्नी घरी नसताना राहत्या घरी ११ वर्षीय मुलगी आर्याला गळफास लावून तिची हत्या केली. त्यानंतर त्यांनी स्वत:गळफास लावून आत्महत्या केली. आत्महत्या करण्याधी त्यांनी एक चिठ्ठी देखील लिहिली आहे.

या प्रकरणी काळाचौकी पोलिस ठाण्यात पत्नीच्या तक्रारीवरून भूपेष विरोधात कलम ३०२ भादवी हत्येचा गुन्हा (Mumbai Crime) दाखल करण्यात आला असून पोलिस अधिक तपास करत असल्याची माहिती पोलिसांनी दिली. पोलिसांनी सांगितले की, आरोपी भूपेष (ज्याचा मृत्यू झाला आहे) हा शेअर ब्रोकर म्हणून काम करायचा आणि त्याची पत्नी डेटा ऑपरेटर म्हणून काम करते.

पोलिसांना घटनास्थळावरून एक सुसाईड नोटही मिळाली आहे. त्यात आरोपीने घरातले सोन्याचे दागिने, पैसे आणि घर माझ्या पुतण्याला द्या असे लिहिले आहे. आत्महत्या करण्यापूर्वी पतीने घरातून 9-10 तोळे सोने आणि 9 लाख रुपये रोख काढून जमिनीवर ठेवले होते आणि सुसाईड नोटमध्ये पुतण्याला देण्याचे सांगितले होते अशी माहिती पोलिसांनी दिली आहे. (Latest Marathi News)

Edited By - Chandrakant Jagtap