मुंबई : येथून एक खळबळजनक बातमी समोर आली आहे. भारतात बॉम्बस्फोट करून हाहाकार माजवून देईल, अशी धमकी देणाऱ्या आरोपीला मुंबई गुन्हे शाखेच्या युनिट ९ ने अटक केली आहे. रणजीत कुमार सहानी (२५) असं अटक केलेल्या आरोपीचं नाव आहे. आरोपी सहानी मूळचा बिहारचा रहिवासी आहे. (Mumbai police arrested culprit giving bombing threat)

मिळालेल्या माहितीनुसा, आरोपी सहानीने व्हॉट्सअॅप व्हिडिओ कॉल करून बॉम्बस्फोटाची धमकी दिली होती. त्याने हैद्राबादमधून कॉल केला होता. कॉल केल्यानंतर तो ट्रेनमध्ये चढला आणि मुंबईच्या दिशेने निघाला. तो मुंबईत (Mumbai) पोहोचताच त्याचा शोध घेण्याचे काम (Mumbai Crime Branch) गुन्हे शाखेने सुरू केले. मोबाइल लोकेशनच्या मदतीने सहानीला दक्षिण मुंबईतील चर्नीरोड परिसरातून अटक करण्यात आली.

सहानीने सांताक्रूझ येथे राहणाऱ्या रफत हुसेन नावाच्या व्यक्तीला व्हॉट्सअॅपवर व्हिडिओ कॉल केला आणि त्याला ‘बॉम्बस्फोट करना है इंडिया में विनाश है’ असे सांगितले.या फोन कॉलनंतर तक्रारदार, जो राजकीय पक्षाचा पदाधिकारी आहे, त्याने मुंबई पोलिसांना माहिती दिली.या माहितीच्या आधारे पोलिसांनी तक्रार घेऊन व्हॉट्सअॅपवर व्हिडिओ कॉल करणाऱ्या अज्ञात व्यक्तीविरुद्ध भादंवि कलम ५०६(२) अन्वये गुन्हा दाखल केला.गुन्हे शाखा या प्रकरणाचा अधिक तपास करत आहे.

Edited By - Naresh Shende