Property Tax News :

मुंबईकरांसाठी महत्वाची बातमी हाती आली आहे. चालू आर्थिक वर्षाची ३१ मार्च ही शेवटची तारीख जवळ आल्याने मुंबई महापालिकेच्या कार्यालयात कर्मचाऱ्यांमध्ये कामकाजासाठी एकच धावपळ पाहायला मिळत आहे. या मार्च महिन्यात २३ आणि २४ मार्चला साप्ताहिक सुट्टी आहे. तसेच २५ मार्च रोजी धुलिवंदन आणि २९ मार्च रोजी गुड फ्रायडेनिमित्त सार्वजनिक सुट्टी जाहीर करण्यात आली आहे. मात्र, मालमत्ता कराची वसुली आणि चालू आर्थिक वर्षाचा शेवटचा दिवस जवळ आल्याने महापालिकेने आठवड्यातील साप्ताहिक आणि सार्वजनिक सुट्टीच्या दिवशीही करभरणा केंद्र सुरू ठेवण्याचा निर्णय घेतला आहे. (Latest Marathi News)

महापालिकेने आठवड्याच्या सुट्टीतही कर भरण्याची सोय होण्यासाठी पालिकेने मोठा निर्णय घेतला आहे. नागरिकांच्या अडचणीचं तत्काळ निवारण करण्यासाठी पालिकेचे अधिकारी आणि कर्मचारी प्रत्येक विभागात उपलब्ध असणार आहे.

पालिकेच्या करसंकलन विभागाकडून चालू आर्थिक वर्षातील मालमत्ता कर भरण्याची प्रक्रिया सुरु आहे. चालू आर्थिक वर्षातील मालमत्ता कर भरण्यासाठी पालिकेडून मोठ्या प्रमाणात जनजागृती सुरु आहे. मालमत्ता कर भरण्यासाठी सोशल मीडियावरही जनजागृती करण्यात येत आहे.

३१ मार्च २०२३ पर्यंतच्या 'टॉप टेन' थकबाकीदारांची यादी

१. एल अँड टी स्कॉमी इंजिनिअरिंग - ८८ कोटी ६३ लाख ७८ हजार ६७९ रुपये

२. रघूवंशी मिल्स - ७१ कोटी २३ लाख ६५ हजार ८५२ रुपये

३. एचडीआयएल - ५३ कोटी १२ लाख ३९ हजार ९५३ रुपये

४. पोपटलाल जमनालाल, सी ब्रिझ बिल्डिंग ६ ते १५ मजले - ४७ कोटी ९९ लाख ८४ हजार ७६६ रुपये

५. एचडीआयएल - ४४ कोटी ०५ लाख ५४ हजार ३५ रुपये

६. रघूवंशी मिल्स - १७ कोटी ८७ लाख ६१ हजार ५६५ रुपये

७. सुभदा गृहनिर्माण संस्था - १६ कोटी ८४ लाख ७५ हजार ७०० रुपये

८. नॉव्हेल्टी सिनेमा - १६ कोटी ०१ लाख ८० हजार ६३ रुपये

९. ओमकार डेव्हलपर्स प्रा. लि. - १२ कोटी २१ लाख ३२ हजार १७३ रुपये

१०. गोल्डन टोबॅको कंपनी प्रा. लि - ०८ कोटी ६७ लाख ८१ हजार ४८८ रुपये