घराच्या छताद्वारे घरात घुसून सोन्याच्या दागिन्यांवर डल्ला मारणाऱ्या चोरट्याला बोरिवली पोलीसांनी शिताफीने अटक केलंय. सात लाख रूपयांचे दागिने चोरून चोर फरार झाला होता, मात्र पोलिसांना सीसीटिव्हीच्या आधारे चोरट्यापर्यंत पोहचण्यास मदत झाली. आरोपीकडून एकूण ७ लाख रूपयांचे सोन्याचे दागिने जप्त करण्यात आले असून, चोरट्याला अटक करण्यात आलं आहे.

हरिओम उर्फ भडकू शिवकुमार विश्वकर्मा (३०) असे अटक केलेल्या आरोपीचं नाव असून, त्याच्याकडून एकूण ७ लाख रूपयांचे सोन्याचे दागिने जप्त करण्यात आलं आहे. तसेच चोरट्यालाही ताब्यात घेण्यात पोलिसांना यश आलं आहे.

बोरीवली पोलीस ठाण्याच्या हद्दीत गोराई येथे एक मजलीमध्ये कुटुंब राहत आहे. याच घराच्या छताद्वारे घुसून कपाटात ठेवलेले ७ लाख किमतीचे सोन्याचे दागिने चोरट्यानं लंपास केलं. या प्रकरणी बोरिवली पोलिसांना माहिती देण्यात आली. प्रकरणाचे गांभिर्य लक्षात घेत पोलीस घटनास्थळी पोहोचले आणि त्यांनी सगळे सीसीटिव्ही तपासले.

सीसीटीव्ही तपासल्यानंतर आरोपी चोरी करून निघून जात असल्याचं दिसले. बोरिवली पोलिसांनी तांत्रिक विश्लेषण आणि सूत्रांच्या मदतीने नेरुळ पोलीस ठाण्याच्या हद्दीतील रायगड जिल्ह्यातून आरोपीला अटक केलं. आरोपींकडून १४० ग्रॅम सोन्याचे दागिने जप्त केलं असून, पुढील तपास पोलीस करीत आहेत.

याबाबत वरिष्ठ पोलीस निरीक्षक मालोजी शिंदे यांनी अधिक माहिती दिली. 'गोराई येथे रात्री वन प्लस वनच्या छताद्वारे बेडरूममध्ये चोरट्यानं प्रवेश केला. चोरट्यानं सात लाख रूपयांचे सोन्याचे दागिने चोरले आणि तेथून फरार झाला. नंतर दागिने चोरीला गेल्याची तक्रार नोंदवण्यात आली. तक्रार दिल्यानंतर गुन्हा दाखल करण्यात आला. गुन्हा दाखल केल्यानंतर तांत्रिक विश्लेषणाच्या मदतीनं आरोपी शिवकुमारला अटक करण्यात आलं. तसेच त्याच्याकडून रायगड जिल्ह्यातील शेलू या गावातून चोरट्याला ताब्यात घेतलं आणि त्याच्या घरातून सोन्याचे दागिने जप्त केले.