पिंपरी चिंचवड : आळंदीहून संतश्रेष्ठ ज्ञानेश्वर महाराजांची पालखी तसेच देहू (dehu) येथून जगद्गुरु संत तुकाराम महाराजांची पालखी पंढरपूरकडे (pandharpur) प्रस्थान केलं आहे. गेल्या दोन वर्ष आषाढी वारी (ashadhi wari) कोरोनामुळे (corona) घडलेली नव्हती. मात्र यावर्षी कोरोनाची साथ ओसरल्याने दोन्ही पालख्यांनी पंढरपूरकडे प्रस्थान केले आहे. या दोन्ही पालखी सोहळ्यामध्ये नेहमी पेक्षा वारकऱ्यांची संख्या यावर्षी जास्त आहे. पिंपरी चिंचवडच्या विविध भागातील वारकऱ्यांसाठी (warkari) एसटी (msrtc) प्रशासनाने पंढरपूरला जादा बस (msrtc bus) साेडण्याचे नियाेजन केले आहे. (ashadhi wari 2022 latest marathi)

यंदा वारकऱ्यांची संख्या जास्त प्रमाणात असल्याने वल्लभनगर आगारातून तसेच स्वारगेट बस स्थानकातून 250 हुन अधिक बसेस दरदिवशी साेडण्यात येणार आहेत अशी माहिती वल्लभनगर बस स्थानकातील अधिकाऱ्यांनी माध्यमांशी बोलताना दिली.

त्याचबरोबर ग्रुप बुकींग करणाऱ्यांसाठी देखील वल्लभनगर आगार विशेष सवलत देणार आहे. अधिकारी म्हणाले भजनी मंडळ किंवा मोठा ग्रुप असेल तर त्यांना घरापासून ते पंढरपूर पर्यंत एसटीचा प्रवास करता येणे शक्य आहे. सध्या दररोज 15 ज्यादा बसेस पंढरपूरला सोडण्यात येत आहेत असे स्वाती बांद्रे (आगार व्यवस्थापक) यांनी नमूद केले.

Edited By : Siddharth Latkar