अक्षय बडवे, साम टीव्ही

माय लेकीच्या नात्याला काळिमा फासणारी घटना पुण्यातून समोर येत आहे. एका आईनं बॉयफ्रेंडच्या मदतीने स्वत:च्या मुलीचे अश्लील व्हिडिओ काढून व्हायरल केले आहेत. तसेच आईने मुलीचे हे आक्षेपार्ह व्हिडिओ बॉयफ्रेंडलाही पाठवत त्याला पोटच्या मुलीसोबत अनैतिक संबंध ठेवण्यास सांगितले. पोलिसांनी या घटनेनंतर विकृत आई आणि तिच्या प्रियकराला अटक केली आहे

भारती विकास कुऱ्हाडे या महिलेचे गुरूदेव कुमार स्वामी याच्यासोबत अनैतिक संबंध होते. पुण्यातील बिबवेवाडी पोलीस स्टेशन हद्दीत दोघेही आरोपी राहत होते. काही दिवसांपूर्वी महिलेने आपल्या बॉयफ्रेंडसोबत पोटच्या लेकीचे अश्लील व्हिडिओ शूट केले. नंतर व्हायरल केले. विकृत महिलेने ते व्हिडिओ काही नातेवाईकांनाही पाठवले.

तसेच तिने हा व्हिडिओ आपल्या बॉयफ्रेंडला पाठवत त्याला आपल्या मुलीसोबत अनैतिक संबंध ठेवण्यास सांगितले. अल्पवयीन मुलीला याची माहिती मिळाल्यानंतर तिने घरमालकाला आई आणि आईच्या बॉयफ्रेंडने केलेल्या कृत्याची माहिती दिली. त्यानंतर आरोपी आई आणि तिचा प्रियकर दोघेही फरार झाले.

या घटनेची माहिती पोलिसांना मिळाल्यानंतर त्यांनी फरार आरोपी आई आणि तिच्या प्रियकराचा शोध घेण्यास सुरूवात केली. कसून चौकशी करत नराधम आईसह तीच्या बॉयफ्रेंडला बिबवेवाडी पोलिसांनी अटक केली. या संतापजनक घटनेची माहिती वाऱ्यासारखी परिसरात पसरल्यानंतर नागरिकांनी संताप व्यक्त केला आहे.