ज्ञानेश्वर हिंगोलीकर

पुणे : पुण्यातून (Pune) एक धक्कादायक बातमी समोर आली आहे. पुण्यातील मनसेचे नेते वसंत मोरे (Vasant More) यांच्या मुलाला धमकीचं पत्र आल्याने खळबळ उडाली आहे. वसंत मोरे यांचा मुलगा रुपेश मोरे (Rupesh More) यांच्या गाडीवर अज्ञात व्यक्तीने हे धमकीचं पत्र ठेवलं. "सावध राहा रुपेश" अशा आशयाची चिठ्ठी रुपेश मोरे यांच्या कारवर ठेवण्यात आली होती. (Vansant More Sons Rupesh More threatened in Pune)

पुण्यातील मनसे नेते वसंत मोरे हे कायम चर्चेत असतात. पुणे महानगरपालिकेतही वसंत मोरे यांचा मोठा दबदबा आहे. कोरोना काळात आपल्या कामामुळे वसंत मोरे हे नेहमीच चर्चेत राहिले. मनसे अध्यक्ष राज ठाकरे यांचे एकनिष्ठ तसेच एक कट्टर मनसैनिक म्हणून त्यांची पुण्यात ओळख आहे. अशातच वसंत मोरे यांच्या मुलाला धमकीचं पत्र आल्याने पुणे शहरात मोठी खळबळ उडाली आहे. (Vasant More Latest Marathi News)

दुसरीकडे, वसंत मोरे यांनी या धमकी प्रकरणाबाबत एक फेसबुक पोस्टही लिहिली आहे. नेमकं काय म्हटलं आहे वसंत मोरेंनी वाचा....

दरम्यान, वसंत मोरे यांचा मुलगा रुपेश मोरे यांना "सावध राहा रुपेश" अशा स्वरुपाची देण्यात आलेली ही धमकी नेमकी कोणत्या व्यक्तीने दिली हे अद्यापही समोर आलेलं नाहीये. मात्र धमकीचं पत्र येताच, भारतीय विद्यापीठ पोलिसांत तक्रार दाखल करण्यात आली आहे. त्यामुळे ही धमकी नेमकी कुणी दिली? यामागचा उद्देश काय? हे शोधण्याचं आव्हान आता पुणे पोलिसांसमोर असणार आहे.

Edited By - Satish Daud