डीपफेक प्रकरण सध्या चर्चेत आलं आहे. डीपफेक व्हिडिओ महिला आणि मुलींसाठी एक नव संकट आहे. या डीपफेक प्रकरणावर पंतप्रधान नरेंद्र मोदी यांनी भाष्य केलं आहे. आता मनसे अध्यक्ष राज ठाकरे यांच्या पत्नी शर्मिला ठाकरे यांनीही सोशल मीडियाच्या माध्यमातून महिला-मुलींना होणाऱ्या त्रासावर भाष्य केलं आहे. (Latest Marathi News)
शर्मिला ठाकरे यांनी जैन तेरापंथ समाजाचे राष्ट्रीय संत आचार्य श्री महाश्रमजी यांचं दर्शन घेतले. राज ठाकरे आणि शर्मिला ठाकरे यांना जैन समाजाच्या राष्ट्रीय संतांना भेटण्याचं आमंत्रण दिलं होतं. यासाठी जैन समाजाचे प्रमुख पदाधीकारी मनोहर गोखरू, भूपेश कोठारी, ललित जैन आणि दीपक संदाडिया यांनी त्यांची भेट घेतली होती. यानंतर शर्मिला ठाकरे यांनी सांताक्रूझच्या एसएनडीटी महाविद्यालयात जाऊन श्री महाश्रमजी यांचं दर्शन घेतलं. त्यावेळी ठाकरे बोलत होत्या.
शर्मिला ठाकरे म्हणाल्या, 'माझ्या मुलीला युट्यूबवर कोण कोण लोकं वाट्टेल तसेही मेसेज टाकत असतात. मी याबाबत पोलीस आयुक्तांना अनेकदा तक्रार केली आहे. त्यांनी युट्यूबवर मेसेज टाकणाऱ्या आरोपींना अटकही केली. पण त्यांना काही वेळानंतर सोडावं लागतं. या प्रकारावर चाप बसायला हवा. खरंतर आपल्या देशात ब्रिटिशकालीन कायदे आहेत. त्यामुळे आरोपींना सोडून द्यावं लागतं. म्हणून देशातील कायदे बदलायला हवेत'.
'विधानसभेत या कायद्यात बदल करणं अपेक्षित आहे. त्यात ऑनलाइनचं सकंट भविष्यात उग्र रुप धारण करण्याचा धोका आहे, अशी भीती शर्मिला ठाकरे यांनी व्यक्त केली. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
गेल्या काही दिवसांपासून आलिया भट्ट, कतरिना कैफ, रश्मिका मंदाना या डीपफेक व्हिडिओ चर्चेत आले होते. या व्हिडिओनंतर अभिनेत्रींनी संताप व्यक्त केला होता. त्यानंतर डीपफेक व्हिडिओ बनवणाऱ्या आरोपींवर कायदेशीर कारवाईची मागणी करण्यात आली होती.
एआय तंत्रज्ञान वापरून व्हिडिओ तयार केला जातो. या डीपफेक व्हिडिओनंतर सरकारकडून कारवाई केली जाईल, याकडे सर्वांचं लक्ष लागलं आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.