अक्षय बडवे, साम टीव्ही, प्रतिनिधी

आचारसंहिता लागू असताना सुद्धा पुण्यातील कसबा विधानसभा मतदारसंघाचे आमदार रवींद्र दंगेकर हे दिवाळीचा सरंजाम वाटत असल्याचा आरोप आज भाजपने केला. यावर आता आमदार धंगेकर यांनी भाजपवर टीका केलीय.

नागरिकांच्या दिवाळीत सहभागी व्हावे म्हणून दरवर्षी माझा मित्रपरिवार 'आनंदाची दिवाळी' नागरिकांना भेट म्हणून देतो. निवडणूक आयोगाने निवडणूकीचा कार्यक्रम घोषित केला आहे आणि याची मला पूर्ण जाणीव आहे. कुठल्याही प्रकारच्या वस्तूचे वाटप करण्यात माझा व्यक्तीश: सहभाग नाही, हे मी स्पष्ट करू इच्छितो. मी अजून निवडणुकीच्या रिंगणात उतरलेलो नाही. तरीपण माझा विजय पक्का असल्याने विरोधकांच्या छातीत आत्तापासूनच धडकी भरल्याचे चित्र स्पष्ट जाणवत आहे, अशी टीका धंगेकर यांनी भाजपवर केली आहे.

दरम्यान, भाजपने आज आपली पहिली यादी जाहीर केली असून यामध्ये ९९ उमेदवारांच्या नावाची घोषणा करण्यात आली आहे. यातच भाजपने पश्चिम महाराष्ट्रात कोणाला संधी दिली आहे, ते जाणून घेऊ...

पश्चिम महाराष्ट्रातील भाजप उमेदवार

1. दौण्ड : ॲड राहुल कुल

2. चिंचवड : शंकर जगताप

3. भोसरी : महेश लांडगे

4. शिवाजीनगर : सिद्धार्थ शिरोळे

5. कोथरुड : चंद्रकांत पाटील

6. पर्वती : माधुरी मिसाळ

7. सोलापूर उत्तर : विजयकुमार देशमुख

8. अक्कलकोट : सचिन कल्याणशेट्टी

9. सोलापूर दक्षिण : सुभाष देशमुख

10. मान : जयकुमार गोरे

11. कराड दक्षिण : डॉ. अतुल भोसले

12. सातारा : छत्रपती शिवेंद्रसिंहराजे भोसले

13. कोल्हापूर दक्षिण : अमल महाडिक

14. इचलकरंजी : राहुल आवाडे

15. मीरज : सुरेश खाडे

16. सांगली : सुधीर गाडगीळ