- अभिजित देशमुख

Kalyan News : राज्यात देशभरात अनेकदा कधी गणपती बाप्पाच्या मूर्ती तर कधी नंदी दूध पीत असल्याचा प्रकार पाहावयास मिळाला आणि त्यानंतर मंदिरांत उडालेली झुंबड. अर्थातच या सर्व गाेष्टी अंधश्रद्धेला खतपाणी घालणा-या ठरल्या. असाच एक प्रकार कल्याण पूर्वेकडील खडेगोलवली कैलास नगर परिसरातील साई बाबांच्या मंदिरात घडला. तेथील नंदी दूध आणि पाणी सेवन करत असल्याचा एक व्हिडिओ सोशल मीडियावर (Social Media) व्हायरल झाला आणि नागरिकांची तेथे झुंबड उडाली.  (Maharashtra News)

कल्याण शहरातील खडेगोलवली येथील कैलास नगर साई शक्ती कॉलनीतील साई मंदिरात स्थापन केलेल्या नंदीची मूर्ती दूध पीत असल्याचा व्हिडियो सोशल मीडियावर व्हायरल झाला. त्यानंतर काय प्रकार आहे आणि मूर्तीला पाणी व दूध पाजण्यासाठी भक्तांची गर्दी झाली.

काही भाविकांनी (devotees) वाट्या, ग्लास इत्यादींमध्ये दूध आणले हाेते. ते मंदिरात जाऊन नंदीचे दर्शन घेत हाेते. हा प्रकार सायंकाळी आठ वाजल्यापासून रात्री उशिरापर्यंत सुरू होता. दरम्यान श्रद्धा अथवा अंधश्रद्धेतून सुरु असलेल्या या प्रकाराची कल्याण (kalyan) शहरात गेले दाेन दिवस जाेरदार चर्चा सुरु आहे.

Edited By : Siddharth Latkar