घर घेण्याचे अनेकांचे स्वप्न असते. परंतु सध्याच्या महागाईमुळे घर घेणे हे सर्वसामान्यांच्या खिशाला परवडणारे नाही. त्यामुळेच तुम्ही म्हाडाच्या घरांसाठी अर्ज करु शकतात. म्हाडाच्या कोकण मंडळाकडून लवकरच ८००० घरांसाठी लॉटरी काढली जाणार आहे. ठाणे, नवी मुंबई, पालघर जिल्ह्यातील घरांसाठी लॉटरी निघणार आहे. यामध्ये मागच्या लॉटरीत विक्री न झालेल्या घरांचा समावेश आहे.

८००० पेक्षा जास्त घरांसाठी लॉटरी (MHADA Lottery for 8000 Houses)

मागच्या लॉटरीत शिरढोण आणि खोणी येथील ८००० घरे विकली गेली नव्हती. त्यांचाही या लॉटरीत समावेश केला आहे. त्यामुळे या लॉटरीला नागरिक कसा प्रतिसाद देतात याकडे सर्वांचेच लक्ष लागले आहे. त्यामुळे या वर्षी तुम्हाला हक्काचे घर घेण्याची सुवर्णसंधी आहे.

म्हाडाकडून दरवर्षी लॉटरी काढली जाते. कोकण मंडळाकडून या महिन्यात जाहिरात काढली जाणार आहे. त्यासाठी घरांची माहिती गोळा केली जात आहे. नव्याने उभारलेली घरे आणि खासगी विकासकांकडून २० टक्क्यांतर्गत मिळणाऱ्या घरांची विक्री झालेली नाही. त्यांचा समावेश करण्यात येणार आहे, अशी माहिती वरिष्ठ अधिकाऱ्यांनी दिली आहे.

या ठिकाणी घरे उपलब्ध

२०२५ मधील लॉटरीत शिरढोणमधील ५,३२० घरे तर खोणी येथील २७४४ घरे विकली गेली नाही. या घरांचा समावेश केला जाणार आहे. आता या वर्षी तरी ही घरे विकली जाणार का याकडे सर्वांचेच लक्ष लागले आहे. या लॉटरीत जास्तीत जास्त घरे असावी म्हणून खासगी विकासकांकडून घरांची माहिती मिळवली जात आहे. तसेच इतर प्रकल्पांची माहिती घेतली जात आहे.