प्राची कुलकर्णी

अनेक अडचणी असताना पुणे मेट्रोचं काम सुरु झालं, ते आज पूर्ण झालं आहे. आज मेट्रोचं पहिलं तिकीट पंतप्रधान नरेंद्र मोदी यांनी काढलं. त्यांनी तिकीट काढून प्रवास केला. पण आम्ही विदाऊट तिकीट होतो आम्हीही नंतर तिकीटाचे पैसे देऊ. अस विरोधी पक्षनेते देवेंद्र फडणवीस म्हणाले.

देवेंद्र फडणवीस आज पुण्यात मेट्रोच्या उद्घाटन कार्यक्रमामध्ये उपस्थित होते. यावेळी त्यांनी भाषण केले. पुणे मेट्रोचं काम विक्रमी वेळात पूर्ण झाल्याचा आनंद होतो असही देवेंद्र फडणवीस म्हणाले. आता पुण्यातीलही नद्या स्वच्छ होणार आहेत. मुळा, मुठा नद्या स्वच्छ करण्याच काम हाती घेणार असल्याच, फडणवीस म्हणाले.

पंतप्रधान मोदी यांच्या हस्ते आज पुणे मेट्रोचं उद्घाटन झालं. त्यांनी छत्रपती शिवाजी महाराजांच्या आसनारुढ भव्य पुतळ्याचं अनावरण केलं. महाराजांच्या पुतळ्याचं अनावरण केल्यानंतर मोदी महाराजांच्या पुतळ्याजवळ जाऊन त्यांनी पुतळ्याला पुष्पहार अर्पण करत अभिवादन केलं.

Edited by- Santosh Kanmuse