मुंबई: मुंबई महापालिकेच्या स्थायी समितीच्या अध्यक्ष आणि शिवसेनेचे (Shivsena) नेते यशवंत जाधव (Yashwant Jadhav) यांच्या अडचणीत वाढ होण्याची शक्यता आहे. कारण, आयकर विभागानंतर यशवंत जाधव हे कॉर्पोरेट व्यवहार मंत्रालय म्हणजेच MCA च्या रडारवर आले आहेत (MCA inspected companies related to Shivsena Leader Yashwant Jadhav).

आयकर विभागाच्या कारवाईनंतर आता MCA ने यशवंत जाधव (Yashwant Jadhav) यांच्याशी संबधित असलेल्या कंपन्यांचा झाडाझडती करण्यास सुरुवात केली आहे. तसेच, ज्या शेल्ड कंपन्यांच्या मदतीने जाधव यांनी पदेशात पैसे पाठवल्याचा आरोप करण्यात आला आहे. त्या ही कंपन्या MCA च्या रडारवर असल्याची माहिती सूत्रांनी दिलीये.

आयकर विभागाची यशवंत जाधवांच्या घरी धाड, सलग तीन दिवस छापेमारी

शुक्रवारी 25 मार्चला सकाळी आयकर विभागाच्या अधिकाऱ्यांनी यशवंत जाधव यांच्या घरावर धाड टाकली होती. त्यानंतर सलग तीन दिवस आयकर विभागाने यशवंत जाधव यांच्या घरी तळ ठोकू छापेमारी केली.

यशवंत जाधव हे गेल्या पाच वर्षांपासून पालिकेच्या स्थायी समितीचे अध्यक्ष आहेत. त्यांनी बेनामी कंपन्यांच्या माध्यमातून आर्थिक गैरव्यवहार केल्याचा आरोप भाजप नेते किरीट सोमय्या (Kirit Somaiya) यांनी केला आहे.

यशवंत जाधव यांच्यावरील आरोप काय?

यशवंत जाधवांवर 15 कोटी घोटाळ्याचा आरोप आहे. हे 15 कोटी रूपये यूएईला हलवल्याचा सोमय्यांनी आरोप केला होता. बनावट कंपन्यांच्या माध्यमातून15 कोटींचा घोटाळा केल्याचा आरोप सोमय्या यांनी केला होता.

जानेवारी महिन्यात किरीट सोमय्या यांनी यशवंत जाधव यांनी कोट्यवधी रुपयांची मनी लॉन्ड्रिंग केल्याचा आरोप केला होता. एवढेच नाही तर आयकर विभागाच्या हाती पुरावे लागले आहेत. जाधव यांचे पितळ उघडे करण्यासाठी आयकर विभागाला पाठपुराव्यास मदत करणार असल्याचे किरीट सोमय्या म्हणाले होते.

Edited By - Nupur Uppal