मुंबई: अखिल भारतीय अभियांत्रिकी शिक्षण परिषदेने (All India Council For Technical Education) मागील वर्षी प्रादेशिक भाषांमध्ये शिक्षण उपलब्ध करून देण्याचा निर्णय घेतला होता. विद्यार्थ्यांमध्ये इंग्रजी (English) विषयाची असणारी भीती दूर करून त्यांना प्रादेशिक भाषेत शिक्षण घेणे सोप्पं होईल, यासाठी हा निर्णय घेण्यात आला होता. त्यानुसार देशभरातील ८ प्रादेशिक भाषांमध्ये अभियंत्रीकी शिक्षण (Engineering) देण्याचा निर्णय घेण्यात आलाय. (Engineering In Marathi Language)

हे देखील पहा -

भाषा - मराठी (Marathi), हिंदी, बंगाली, तेलगू, तामिळ, गुजराती, कानडी, मल्ल्याळम या भाषांमध्ये शिक्षण देण्याचा निर्णय घेण्यात आला. तेव्हा देशभरातील १९ महाविद्यालयांनी स्थानिक भाषेतून शिक्षण देण्याची तयारी दर्शवली होती. मराठीत सर्वाधिक अर्ज, देशभरातून स्थानिक भाषांमधून अभियांत्रिकीचं शिक्षण देणाऱ्या महाविद्यालयांमध्ये १,२३० जागांपैकी २५५ जागा आतापर्यंत भरल्या आहेत. यामध्ये सर्वाधिक ६० जागा मराठी भाषेसाठी भरल्या आहेत, १६ बंगाली, तेलगू १३ तर कानडी भाषेत एकाही विद्यार्थ्याने दाखला घेतलेला नाही.

Edited By - Akshay Baisane